放暑假小朋友固然開心，但亦係家長煩惱開始。細B上Playgroup，要選擇能幫助發展大小肌肉、社交情意及情緒建立的課程。語言上應該選擇普通話，英文還是法文？大少少的小朋友需要放電，足球、籃球、網球、體操，真是花多眼亂⋯⋯怕小朋友玩到忘晒形，又想安排靜態活動如手工藝，或補習中英數等學科，為下學年做好準備。
坊間提供暑期活動的多的是，想平衡小朋友各方面需要，便發現一天需要走訪不同地點，才可滿足各項選擇。若多過一個小朋友，年齡有點距離，一天走三四個地點亦不足為奇。
究竟什麼種類的活動才適合？小朋友會喜歡嗎？香港教育模式已經令小朋友很忙，暑假希望小朋友能夠開心學習，但要尋找有質素的暑期班可謂大費周章。 記得上年暑假，第一次要幫小朋友搵暑期活動。當時細女剛可上playgroup，大仔剛滿四歲，準備上K2。在網上如大海撈針的尋尋覓覓，全無方向。諗起大仔一向偏食，便嘗試從食物有關入手。皇天不負有心人，比我搵到由外籍教師主理的煮食班，讓小朋友認識食物及自己動手煮食，仲可以補埋英文。心想簡直係一箭雙鵰，但地點係中環，會唔會好貴？我住九龍，仲要搵哥哥同妹妹其他暑期活動，怎麼辦？
再睇清楚 ，原來係一間頗具規模既非牟利機構。佢地會配合地區需要提供適合附近居民需要既活動。 而呢間中心位於中環半山 ，居民較多為外籍人仕。所以中心主要提供接近國際學校模式課外活動, 主要語言為英語，亦有中文及法文課程。因為好多學生是外籍小朋友，所以用英文課程均由外籍或母語為英語老師任教。最重要係，呢間中心真係乜都有得上，我上面提及過既都有哂，年齡由BB到老人家都有選擇。我上年就幫妹妹報咗普通話，音樂同英文playgroup，同埋親子泳班。哥哥報咗煮食班、泳班、足球、魔術、Phonics 同 Reading。周末時就上親子班一齊玩，一星期日日唔同。中心旁邊就係動植物公園，上完堂仲可以去公園玩同睇動物，自己又唔使四圍撲咁辛苦 。
咁究竟哥哥同妹妹又鍾唔鍾意呢？妹妹年紀小，唔識講好多。但係次次上完堂都好開心，對身邊事物反應多咗快咗。 哥哥進步就好明顯，大膽咗，同外籍小朋友上堂一齊踢波用英文溝通都無問題， 真的要讚嘆小朋友學習真快。Phonics 同 Reading 初時擔心佢會悶，但佢學得好開心，仲識教返爸爸！原來呢間中心學習宗旨係 learning though play，即係從遊戲中學習。在學習中不忘遊戲，小朋友不單止唔會抗拒學習，仲會主動學習。
究竟哥哥偏食情況有冇改善呢？小朋友偏食, 通常因為食物的陌生或味道等會令小朋友抗拒進食。上煮食班時需要小朋友自己處理食物，去摸去嗅去試去煮 ，令哥哥覺得好得意 ，抗拒少咗。每次捧完成品返黎要大家試食。禮尚往來，而家要佢試其他食物都比以前容易咗。
暑期過後，佢地平日嘅班就唔到時間。但哥哥好掛住中心既教師，所以weekend 都有繼續上足球同STEAM，順帶妹妹都玩下BB體操。哥哥已經不停問今年暑期幾時去上堂。哈哈，平日返學有咁積極就好啦！
小貼士：呢間學習中心可以網上付款報班，方便快捷！而且工作人員很友善 ，有問必答。了解更多：https://clle.ywca.org.hk/
