望住撤底失效嘅政府同警隊，
曾經諗過移民，
分別同幾個朋友討論過，
仍然有幾個問題，
過唔到自己。
「如果我真係咁愛呢個地方，
點解我係選擇離開，
而唔係拼命保護佢？」
如果一日，
我親眼睇住阿仔放棄自己認為非常重要嘅嘢，
我冇資格問點解。
「點解喺所謂民主，
或者環境好嘅地方成長，
就一定係對下一代最好？」
不為金錢利益放棄自由同良知，
絕對係我希望將來嘅Miles可以堅守嘅價值觀。
望住而家嘅年青人嗰份無私、無畏無懼同勇往直前，
係作為一個爸爸嘅我所尊敬嘅！
係乜嘢孕育到呢班年青人咁高尚嘅情操？
係舒適嘅環境？
係民主嘅制度？
係高效嘅政府？
肯肯定唔係。
縱然無數畫面令我痛心疾首，
但係我要做嘅，
只可以係盡力同佢地一齊行。
「如果我信上帝掌管我嘅生命，
佢係我嘅供應同幫助，
咁阿仔呢？」
連我自己嘅生命我都願意放喺上帝嘅手，
但係我驚上帝保護唔到阿仔？
阿仔嘅生命喺我手？
我睇嘢全面過上帝？
如果我今日就死，
而只能夠留下一樣嘢畀阿仔嘅話，
一定係對上帝絕對嘅信心。
而呢樣嘢，
齋講係冇用架。
