小朋友對金錢無概念，以為埋牆撳撳幾個制，就會有現金走出嚟、講聲要新玩具，父母就會買，但佢哋並唔知道金錢唔易得嚟，點樣令小朋友擁有金錢、理財嘅知識，就成為咗父母嘅一大課題。
以為佢哋仍然細個，就點講都唔會明？其實反而應該由細開始潛移默化教育佢哋，讓良好嘅理財概念培養成習慣。平日除咗同小朋友玩買賣遊戲、帶佢哋出街，由日常生活中學習之外，不妨帶佢哋去由「錢家有道」舉辦嘅「時光倒流打工仔」，笑住玩出理財智慧！
小朋友可以化身成為懷舊小店員工，透過職業體驗（需預先網上報名），喺現場四間充滿香港懷舊特式嘅小店：涼茶舖、鐘錶店、大排檔、雜貨舖，認識香港昔日生活點滴、香港貨幣、收支記錄，從而培養出「先格價後購買」、分辨「需要同想要」嘅習慣等。而完成老闆指定嘅任務之後，仲可以得到「出糧」獎勵：證書同禮品。
周末更設有多個特備節目，包括：「錢家有道財藝大賽」決賽及頒獎禮、「榕樹頭講故」互動環節、「當年知多少」有獎問答遊戲等，考考男女老幼對香港有趣冷知識同理財嘅認識；同場另設多個趣味攤位、遊戲、親子工作坊。家長在場仲可以索取免費一系列理財遊戲工作紙同DIY錢罌，帶返屋企同小朋友繼續笑住玩出理財智慧！
「時光倒流打工仔」詳情
日期：2019年6月29日至7月9日
時間：11AM-7PM
地點：荷李活廣場一樓明星廣場
活動對象：4-10歲小朋友
費用全免
