近期嘅天氣變化太大，就連我都病咗！看了四次醫生都未痊癒，暫時我最大體會是病的同時再照顧BB真係很辛苦，又怕傳染比BB，自己又無平常嘅精力去應付BB的需求，而且宜家仍然係餵人奶中，心內壓力大如山呀！！
以下分享我睇醫生嘅經歷 - 建議大家預約前，先問問醫生會否提供母乳媽媽可食用的藥！
我第一次睇嘅醫生，佢開嘅藥令到我唔能夠繼續餵人奶，所以服用期間，只可以泵奶穏定奶量，不過我內心的壓力一直增加，好擔心自己的奶量會因此急速下降，由最初第一次泵奶的5安，變到最尾個次得返3安到，所以我見有好轉後，就即刻停藥再餵返奶，好在埋身後仍然夠筋肉寶寶食！
第二至四次睇嘅醫生，佢開嘅藥能夠餵人奶，所以藥效並唔強，所以病情一直時好時壞。我懷孕期間，亦都大病過一場，當時差不多病到失聲，不過我堅持唔睇醫生，結果真係自己好返！不過宜家生咗筋肉寶寶之後，就驚自己會傳染比佢，所以我亦要慢慢控制病情。
另外，我最大壓力係病嘅期間，頭兩天要麻煩媽媽係廳夜晚照顧筋肉寶寶，點知筋肉寶寶好似已經會認地方，成晚加埋只訓左差唔多三個鐘，不停扭計，唔肯食奶樽，又不斷哭。
另一方面，我好擔心一直為佢建立嘅晚上睡眠時間會因此消失，所以我病嘅第三晚，就放返筋肉寶寶同我同房，結果情況好轉咗小小，因為重新比他媽媽係身邊的安全感，令他晚上更易入眠！
不過為咗避免我傳染他，所以基本上，我每晚會帶兩個口罩訓教，再開始飲檸檬水，洋蔥水，陳皮薑水同服用維他命及益生菌增強自己抵抗力，希望以自身的抵抗力控制病情！我身邊亦有唔少媽媽病倒，各位媽媽都要加油呀，而且每當望到自己嘅心肝寶貝都超想變回健康媽媽呀！
