新抱與男家關係的好與壞，或多或少都會影響到婚姻關係本身。一位港媽近日在網上討論區發文，分享自己是懷孕後才與當時的男朋友結婚，但婚後一直遭受男家的冷待，兩者關係很差，「佢哋係極度唔鐘意我」，她列出了多個事例，由男方家人知道自己懷孕開始，就說服她老公叫自己墮胎，之後直到分娩前一個星期才與老公簡單簽字，任何儀式都沒有。即使在婚後與男方的關係也沒有好轉，接二連三的事令她在這段婚姻關係中開不了心。
一位港媽近日在網上討論區親子王國以「到底我係咪真係有問題」為題，分享自己是懷孕後才與當時的男朋友結婚，但婚後一直遭受男家的冷待，兩者關係很差，「話說我真係就嚟俾我99同姑奶搞到我發癲，每次見親佢哋我都好唔開心，佢哋係極度唔鐘意我。」
港媽分享自己是婚前懷孕，當時我一心想提供一個完整家庭給小朋友成長，沒多想就決定結婚，大著肚跟老公簽字，她列舉以下8個事例指出奶奶與姑奶冷待自己：
（1） 我初初大肚，我老公同我姑奶講佢可以講養個小朋友，但佢借啲意叫我老公叫我落咗去
（2）佢屋企人話我哋係當時可以結婚啦，話幾月可以見，點知轉個頭問我可唔可以等佢家姐結咗先
（3） 到我生之前一星期我先同我老公簽字，咩儀式都無，簽一張紙就算，男家得我奶奶一個人到 禮金 過大禮等等都係咩都無嘅
（4）簽完紙當晚男家女家一齊食飯，我99身一句同我阿媽講佢地公公走左，用左好多錢，我阿媽都無聲出
（5） 男家一早買左樓首期幫個家姐，依家男家都係住私樓，我地出去租屋住，我阿媽幫我俾首期，男家個面係可以一蚊都唔出
（6）每次返男家屋企食飯，我姑奶一係訓係bb隔離同我99，一係就同我老公，我就要企係門口睇住我bb，仲要我99係我個仔一喊就俾我姑奶抱，其實我先係阿媽
（7）我姑奶見我有啲咩，用啲咩，都借同我老公講我個份呢，好似老馮咩都要買埋俾佢
（8） 99屋企電視壞，唔係兩姊弟買，而係我老公一個人買
以上種種事件令事主鬱鬱不歡，她本來是不抗拒與男家一起相處的，認為與對方家人吃飯是一份尊重，但是每次的經歷都不愉快令她漸漸卻步，認為勉強沒有幸福，「因為每次都好唔開心，覺得點解要咁樣對自己。」
帖文引起熱議，有網民替港媽感到不值，「係。你有問題。當初明知男家不爽係都要嫁。嫁左仲咁委屈，男方是高富帥到你百忍？」、「但我覺得你係大左肚先結婚，已經係無咁好。男家會覺得你非嫁不可，唔值錢，你重點同佢哋講條件。」
有網民直言認為事主老公應該有一定責任，「我都係大住個肚嫁，好明顯佢地一開波就唔鍾意你，你老公又唔識做，仲expect 男家要比錢你買樓 (女家有比係另一回事，唔等於男家都要比）」、「其實我覺得有問題個個係你老公。禮金,過大禮或者咩儀式個D係你老公負責,唔係男家,當然你話佢係有錢人家,富二代個類就除外啦。你簽字前有冇問你老公點安排?」。
另外有人勸港媽看開一點，與男方家人保持距離，「少d見男家d人，佢地一d唔比面你，你要堅強一d。」、「你又洗咩咁委屈? 俾面老公，對佢兩母女客客氣氣就算，bb係自己，自己先有話事權，排隊都未輪到姑奶」、「話之佢，過時過節咪返去做下演員算，人生匆匆幾十年，時間會令你放開」。
