對好多爸爸黎講，人生中最漫長既時間
應該就係產房門口等老婆果幾個鐘喇
「明明穿左水咁耐，點解仲未生得仲未叫我入去陪產？」
「入左去幾個鐘喇！仲要等幾耐」
產房門口既地板特別爛可能都係比各位爸爸踏爛架
而家大部份情況下都比爸爸陪產
除左
突然間要動手術
突然間要儀器助產
突然間bb情況唔好要兒科醫生在場急救
或者爸爸驚血唔敢陪產
產房更加係私家重地，
有好多電子儀器、手術儀器
所以更加要保持乾淨清潔
唔可以比咁多人入黎探病
所以即使九代單傳，
你既屋企人係入面生緊金波羅都好
都只可以係門口等
執媽深深感受過係產房門口等屋企人果種緊張心情
每逢有人經過產房或者道門打開，
都會去裝下到底係咪自己屋企人生完推返出黎
所以！我每次去接產婦同bb返產後房既時候
一出產房門口道會主動報上產婦姓名
等各個期待已久既屋企人可以第一時間衝過黎
呢個畫面真係好有愛
媽媽知道有咁多人係門口支持自己
一定好開心
每次見到個老公心心眼咁望住老婆
屋企人一窩蜂笑面瑩瑩圍住媽媽同bb
呢到應該係全醫院最多人歡笑既地方
加上唔係探病時間，家人等咁多個鐘都唔會有得入病房陪新媽媽
所以出左產房直到進入產後病房果幾分鐘就變得更加重要
好似我當年係產房門口等我姨生仔出黎果刻，我到而家都記憶猶新！
*岩岩生完既媽媽都仲仍然有個大子宮同肚腩仔架
所以圖入面張被係突起架
#出產房的一刻
#執媽最鐘意的一幕
#生過既媽媽記唔記得呢一幕？
