迎接新生命誕生本是夫妻倆的開心事，但如果只有媽媽獨力承受，壓力難以想像。有孕媽媽近日在網上發貼，稱丈夫表明不願意分擔任何BB相關費用，更要求她以私己錢供養與前妻所生的女兒，令她迫不得已希望離婚︰「我情願做Single Mom都唔想返去個地獄！」
該孕媽在《親子王國討論區》以「有冇人大肚寧願自己一個做single mom都唔想再同個衰人一齊？」為題發貼。她分享自己的丈夫身在外地，當初是二人共同希望養育孩子。如今孕媽媽失業，丈夫「直情當我同阿b唔存在」，更表明所有產檢及BB相關費用都不會負責。
相關討論︰「有冇人大肚寧願自己一個做single mom都唔想再同個衰人一齊？」
她又指，丈夫只顧照顧與前妻所生的8歲兒子，又不時作出威脅︰「如果我唔用我私己貼佢哋就離婚」。港媽後悔又自責當初選擇嫁了給他，直言︰「我係咁同自己講唔好傷心唔好動氣，為咗我阿B，我情願做Single Mom（單親媽媽）都唔想返去個地獄！」
不少網民支持她的決定，又安慰她道︰「自己一個人同bb 一齊好過，支持你」、「支持你盡快離開呢個地獄，要好好保護自己錢財，BB出世使費更大」、「繼續行落去都未必會有好結果，既然結婚揀錯左，之後就唔好再揀錯」。
有人又擔心她只有自己一個孤立無援，提議找社工幫忙，幸好她指自己現時已回港，有家人照顧及支持。她亦感激網民的支持和鼓勵，會努力走下去。
