奶奶對湊孫凡事親力親為，令港媽有苦說不出…有港媽分享了與老爺奶奶相處的日常，種種事例累積下來，感覺自己被忽略，直言「生完好似用完即棄咁…」
港媽於《親子王國討論區》以「心結。生完好似用完即棄咁」為題發文，訴盡一年來的經歷和感受。她指現時小朋友已一歲，但心結由BB剛出生便開始積存。
BB正值疫情時剖腹產出世，當時丈夫要工作，只好由老爺奶奶接她和BB出院，但他們「只會喺電梯口、的士站停低等我，我自己好慢咁跟上」。其後她和奶奶帶BB到健康院亦如是，「返屋企都係直接上樓入屋，我仲喺條街度…」
她當時在老爺奶奶家中暫住坐月，過得很不開心︰「我好似奶媽only，BB訓醒餵奶，餵完奶，6299話抱個BB出嚟，只要氹瞓覺個moment，我先有母子時間，有時真係抱住個b喊。」
最終，她未坐完月就回到了自己家，奶奶知道後很不開心。即使搬走後，每日都要將BB相或片傳送至通訊群組。如果有時忘了發送，奶奶就會致電他們問BB是否生病，又或者看到相片後，會提出「要着多件衫、嗰度係咪損左，嗰度要留意」，令她壓力很大。
有時他們帶BB去探望老爺奶奶，「99就會叫c6同我去拍下拖，好似想洗走我咁。」連有時她想進行一家三口的家庭活動，老爺奶奶最後都要一起參與。
她指雖然老爺奶奶從不會要求她做家務，亦非常樂意幫自己湊孫，亦會為她煮飯煲湯，但自己依然因為以上事情感覺「心理好唔平衡」，亦有多番跟丈夫反映，但他愛理不理的態度，令自己更難受，長遠下去亦怕夫妻關係變差。
網民紛紛安慰她，稱「有人幫手本身係好事，可惜過晒火」，但是覺得都不能得失老爺奶奶，鼓勵她先冷靜自己，「再將理想中嘅情況寫出嚟，邊樣要堅持，邊樣可以讓步，定條底線，再同先生傾下」。
有人亦深感明白，稱自己都有類似經歷，但可以調整一下自己面對老爺奶奶的心態，「當普通朋友關係，係最好，客客氣氣就好，唔使咁在意佢地點對你」，又建議可以將某部分工作轉交老公處理，例如傳BB相至群組。
