婦女在懷孕期間需要面對身體的改變，心理上的負擔亦不少，既要為孩子出生以後的生活計劃和煩惱，亦要時刻關注胎兒的健康，如果與另一半的關係出現問題，要面臨的壓力更加大。有準媽媽在網上發文，指她現時懷孕9個月，男朋友是個大男人，脾氣亦很暴燥，生氣時曾經向她動粗，令她猶豫應否繼續留在對方身邊。
該名準媽媽在親子王國討論區以「如果對方曾經打過自己…離開定留底（低）？」為題發文，指她與男朋友經互聯網認識，對方可以給予她安全感，兩人很快就決定在一起，她更因此離開前夫。兩人拍拖短短一個月後，她就意外懷孕，當時男友希望她把孩子生下來，而她已經35歲，經商討後都決定把孩子生出來。
好景不常，她指出男友的性格「大男人」，脾氣亦很差，在她懷孕9個月期間，雙方多次大打出手，「因為佢發脾氣講嘢難聽過操（粗）口，我掌摑佢先，佢打返我，繼而動武」，最嚴重的一次更需要入院。不過，她認為男友很愛錫她，對於是否離開感到猶豫，「到底我離唔離開佢好？但其實佢好錫我…」
《BB復仇記》劇照
帖文引起熱議，許多網民都勸她早日離開，「打你又話錫你，小朋友出咗世後會唔會連小朋友都打」、「老實講，打女人係條紅綫，一朝打，一般一世都會打」、「我真係覺得你好矛盾 如果一個男人郁手打你都叫錫你 我真係唔知講咩好」。
亦有人批評樓主行事太衝動，「我話你最錯。咁快一齊，咁快有仔，生仔係講條件，不是講年齡」、「睇完你寫既野，即係識到依個男人先離婚，咁短時期又有左bb,一個女人三十幾歲都仲唔識去愛惜自己，其他人又點會愛惜你？」亦有人批評樓主為人暴力，「一個男人做錯咩都好，都唔應該企喺度捱你掌摑，我反而怕將來打小朋友嘅係你。」、「樓主自己脾氣都唔好得去邊，大家唔改，之後几（幾）十年好大機會就咁拳來腳往過世」。
