嶠媽我就好享受兩個仔女嘅陪伴，而且我覺得爸爸媽媽兩個人，兩個小朋友，至少一人可以陪一個，對兩個小朋友都會更好！因為嶠媽同嶠爸都係3兄弟姊妹，總有1個係比較缺乏安全感，成長上都遇到好多被忽略嘅感覺，所以我先覺得2個小朋友已經好足夠！
講到生仔生女，近年聽得最多嘅，一定係親戚朋友叫我生多個，但我同嶠爸嘅諗法係，兩個真係夠哂數！成日都話生好容易，養都唔難，教先係最難。而最常見嘅避孕方法就當然係用避孕套啦！但係用套始終唔係我地女人可以控制到，佢戴成點會唔會中途有意外，其實都唔係咁安心，睇返資料，原來用避孕套避孕，意外懷孕嘅機率係2%至18%，好靠用家係咪次次用得好，真係諗起都驚驚！另外，我聽朋友講佢有打過避孕針，但都幾麻煩，成日要去診所打，同埋副作用都幾大(有機會出現不規則出血，經期會亂等等)，就算停打避孕針後，要過一段時間先可以恢復生育能力。
或者你可以話，男/女方是但一方做結紮手術，不過我哋暫時又未想去到呢一步。所以我哋就想搵一個又安全成效又高嘅避孕產品，而嶠媽我就梗係向我嘅家庭醫生請教了解清楚啦！而醫生就建議我試下「口服避孕藥」，即係俗稱「避孕丸」。嘩！一聽到嗰下個反應好大，食左會點㗎？如果有一日我哋改變主意想生三寶，會唔會有影響㗎？跟住落嚟就係醫生度解答我嘅問題！
避孕藥喺而家呢個時代已經好普遍，好多女性都服用，有啲好似我哋咁係想避孕；有啲係想改善經痛問題，調準經期同經量；有啲更係想改善皮膚問題；嶠媽我真係孤陋寡聞，除咗避孕，真係唔知原來避孕藥可以用嚟改善其他身體問題。而嶠媽本來身體都唔係特別好，亦都有經痛問題，所以先令我決定接受醫生建議，嘗試口服避孕藥呢個選擇。
而醫生介紹嶠媽服用嘅就係「YAZ®️優悅®️」避孕藥，佢係屬於混合荷爾蒙口服避孕藥，意思是成份含有2種人造荷爾蒙 - 雌激素及黃酮體。而嶠媽最關注嘅就係避孕成功率，避孕藥嘅避孕成功率超過99%，，同埋始終係自己掌握到，安心過靠老公用套驚有差池。
「YAZ®️優悅®️」避孕藥是28粒裝，因為一般經期以28日為一個週期，而以 24+4 模式服用，可以減低漏服而造成意外懷孕嘅機會。只要每日跟住包裝上面箭咀順住食，食完一盒就接住開下一盒。(通常在服食最後 4粒期間就會來經!)
*如果真係唔小心漏服藥丸，24小時內補服即可，對比傳統需於12小時內補服嘅避孕藥，更加適合我地照顧小朋友可能會分心！
千其唔好睇少嗰4粒白色無藥性藥丸，佢同一般停7 日藥嘅配方比有效加強避孕效用同埋減輕PMS(經前症候群)，，而家食開仲無埋M痛，絕對係幫我解決 呢個纏繞多年嘅問題。每個月無藥期時經期會好準時嚟，安心好多，你知啦，經期一遲嚟真係會好驚中招。
而且「YAZ®️優悅®️」避孕藥屬超低雌激素劑量，水腫、乳房脹痛呢啲避孕藥常見症狀會少啲；我食之前都有問醫生會唔會肥，佢話呢隻最唔怕肥，上網睇返係有獨特DRSP嘅黃體素成份，可以有助舒緩水腫同埋皮膚油脂分泌問題，因為怕肥而唔敢試嘅JM可以試下。
當然，避孕藥未必人人都啱食，不過今次同醫生了解過發現之前對避孕藥了解真係好少，而且誤解亦都唔少，所以之前無考慮過呢個避孕方法，今次想share比大家了解多少少，特別係經期唔準或者有經痛嘅媽媽，避孕藥可能會係一個幫到你解決幾個問題嘅選擇。
*關於更多服用口服避孕藥，建議大家向婦科醫生查詢！
