最近好多人話唔想生或唔想生住，想同大家share下我嘅避孕經歷。我之前有食開避孕藥的，現在懷孕第二胎中，BB就快出世啦～
其實講起避孕，上網睇或者朋友之間都比較少人分享提及，當初接觸呢樣嘢嘅時候都比較迷惘，唔知選擇用咩方法避孕好！
講番起當時認識咗而家嘅老公，大家都好鍾意去旅行周圍玩，仲未考慮到要結婚生小朋友，但係只係靠佢次次用套又唔係好安心，而我又未準備好要小朋友，作為女人當然要好好保護自己啦！所以啱啱嘅時候用嘅避孕方法係去診所打避孕針，一個月去打一次，打咗幾個月，發覺副作用比較大，出現水腫同嘔心嘅情況⋯而且針口位會唔舒服痛幾日！同埋個個月去診所打都有啲麻煩！
問咗醫生之後佢俾咗啲建議我，原來而家市面上嘅避孕藥雌激素劑量都比較低，副作用亦比較少！所以我開始轉食避孕藥，當時食嘅係優思明Yasmin呢隻牌子，果然冇咩副作用！冇嘔心同水腫嘅情況，而且仲幫我減輕經痛，減少油脂分泌，面上嘅暗瘡都少咗好多呀！每個月都好準時嚟M，所以一食就食咗三年幾⋯
就係呢幾年我哋開始計劃結婚，因為諗住結婚之後就即刻生小朋友，不過唔係話你想要就有㗎嘛！所以我係婚期前開始停藥，準備隨時懷孕！
好多人話食避孕藥驚影響生育，其實唔使擔心～因為係我婚期前四個月就發現有咗喇！真係好開心～我結婚當日BB係肚入面已經16週大, 其實醫生都同返我講話一停藥其實就可以懷孕，所以唔洗預早咁耐停藥，同埋啱啱停藥果幾個月仲容易中添，所以幾時ready幾時停得～
仔仔係食人奶嘅關係，我產後大概一年多先黎返月經，仔仔自然離乳後就開始食返避孕藥！諗住食返之前食開嘅優思明Yasmin，但係發現原來佢哋有出另一款雌激素劑量再較低d藥，叫優悅YAZ！ 一般藥房同萬寧有得賣嘅，所以轉食咗呢隻，咁同我之前食過嘅優思明有咩分別呢？
食咗之後都係冇咩副作用！冇嘔心同水腫嘅情況～唔會肥！一樣可以減輕經痛，減少暗瘡！經期一樣都好準！
除咗優悅YAZ比優思明Yasmin嘅雌激素更低劑量外，仲延長漏服時限去到24小時！比優思明 12小時內補食更長，有時唔記得準時食藥都唔怕影響到藥效！
同埋食藥模式唔同咗，優悅係連續食唔駛停藥！只要每日順序食一粒就得，優思明就要停七日藥先開始新一排～不過其實藥丸好細粒！每日食唔駛計日子真係好方便，好似我咁好怕吞藥丸嘅人，都好容易吞到！
大約食咗兩年優悅避孕藥，因為計劃生第二胎，所以又停咗藥，之後好快就自然有咗啦！仔仔做哥哥好開心呀～話會好好照顧妹妹咁話添～
其實避孕藥比安全套避孕成功率更高㗎！可以避孕之餘皮膚又靚咗～減輕經痛經期又準時到，妹妹斷奶之後會繼續再食啊～個人經驗希望幫到大家做好家庭計劃啦！
