老公陪產對孕媽媽而言意義重大，可說是最好的精神支柱，但未必人人都能如願以償。近日一位孕媽媽在網上發文抱怨，指結婚9年的老公竟然以工作理由拒絕陪產，反叫她的父母陪伴自己，孕媽對此十分不滿並認為對方只是找藉口，沒有可能連2天時間都抽不到出來，令她大失所望，「真係心都寒埋，想離婚」。
近日一位孕媽媽在網上討論區親子王國以「BB就嚟出世，但老公唔陪產，你哋會唔會想離婚」為題發帖，抱怨老公竟然以工作理由拒絕陪產。她分享指與老公結婚9年，好不容易今年才有第一胎，原本以為對方會很重視。直至寶寶即將要出世，與對方談及到陪產的問題，事主老公竟然拒絕以工作忙碌為理由而拒絕陪產，「佢居然唔想陪產，話叫我爸媽陪我，佢係自僱人士，平時自己安排工作時間，年尾係會忙d，但係估唔倒佢居然連2日時間都唔預俾我」，孕媽認為一切只是藉口，對此十分不滿兼失望，「其實我都唔係叫佢入去睇住我生，但係我想係產房果陣佢陪住我」，此事更令她有離婚的念頭，「真係心都寒埋，想離婚」。
孕媽感覺老公好像對於寶寶出世的事愛理不理，表示早期老公都有陪自己去產檢，但越到後期就感覺對方以工作當做藉口，「依一個禮拜都早出晚歸，我有發佢脾氣，佢話冇辦法，唔出去做嘢一日好似就會生意失敗咁」，孕媽更指所有嬰兒用品或佈置都是她獨自準備的。此事一直困擾著事主，令她心情低落，「我依家真係俾佢搞到我都抑鬱，每日都好sad」。
帖文引起熱議，不少網友指明白孕媽的感受，紛紛留言安慰她，「如果真係怕血出面等得唔得？真係唔明你老公諗乜！」、「唔好諗咁多，愛自己先」、「唔好亂諗野，有可能佢係真係驚嗰個場面，唔係真係人人都可以面對好多血，都有聽過有D男士陪產後有陰影。」、「佢平時重視你就ok，唔好諗負面野。」
另外亦有網民認為老公有機會有產前抑鬱，「你老公似有產前抑鬱喎，佢本身想做爸爸嗎？佢似驚做左爸爸逃避咁，正常個老婆就快生應該好緊張老婆至係！你老公嘅態度唔合邏輯！」。
此外，有人建議孕媽應該坦誠跟老公溝通，「有需要搵專業人士幫手做溝通既橋樑。」、「認真同佢溝通講你有幾需要佢支持 。」。
