小朋友陸陸續續又開學啦，就代表住媽媽們繁忙嘅日子又再降臨！成日忙到甩頭甩髻咁出門口，其實都好想做個靚媽接送小朋友……以下幾個三分鐘內可完成嘅髮型，絕對可幫你完成願望！
整齊馬尾
簡簡單單紮個馬尾出門口，就稱唔上係潮媽啦。其實馬尾款都可以做出簡單型格嘅造型。 首先將頭髮梳順，然後係頸部高度紮一條低馬尾，用幼身橡筋固定，之後再用絲帶/幼身皮帶/甚至係鞋帶沿住馬尾繞圍綁住，唔洗3分鐘都完成到一個型格髮型！
Instagram @lala_updo 、 @ymtmio
更多文章：【韓系夏日美甲】4款簡約不累贅款式大發放
凌亂美低髻
如果媽媽們本身都係一頭曲髮，呢個造型就啱哂你！ 簡單梳理好頭髮之後，係頸部高度紮一條馬尾，跟住鬢一條辮，呢條辮唔需要太用心去鬢，因為呢個造型最重點營造一種凌亂美。然後將呢條辮繞出一個球型，用髮夾固定， 短時間內又完成一個靚靚髮型。媽媽們仲可以嘗試變奏版雙低髻版本，減齡必學！
Instagram @asumi_selffair 、 @album_hair
玩味短髮
頭髮造型永遠都唔會局限係長度，短髮媽媽都可以一樣參與其中。最快捷嘅短髮編髮方法，就係將頭髮上下分成一半，然後將上半頭髮紮成一個細細嘅髻。利用唔同嘅髮飾，例如髮夾、髮圈為髮型添加玩味。短髮造型更加可以超快完成，唔需要披頭散髮咁接送小朋友！
Instagram @natsumi_reon
變奏版馬尾
呢款只需要幾條橡筋就可以完成嘅造型，最近係日本媽媽界都好受歡迎嘅款式。紮一條低位置嘅馬尾之後，就沿住馬尾分段去用橡筋綁住，最後亦可以加上唔同嘅髮飾去點綴。輕鬆容易嘅造型，一定可以喺媽媽群入面脫穎而出！
Instagram @lala_updo 、 @rotika426
