2017年亞洲首屈一指的餐廳訂座手機應用程式 eatigo登陸香港，當中提供近千間著數餐廳嘅優惠，折扣更高達50%；由日本大熱一幻拉麵、連鎖漢堡 TripleOs、薄餅至尊 PizzaExpress，到港人至愛嘅打邊爐 —火鍋潮點 616牛肉火鍋專門店及新派中菜紅樓、王家沙！
如果以上都唔啱你胃口，仲有大家好喜歡外遊嘅泰國風味 — 新潮泰菜Greyhound Cafe，以至 JW Marriot嘅WHotel 自助餐等！其實講到著數同優惠，精明嘅你或者已經了解過，但數到以上噤多選擇，又應該點揀先可以體貼家中上下需要？
【相關文章】【親子著數派送】3 步即訂 eatigo上網訂位優惠平台（下集）
【相關文章】KAKAO FRIENDS夏日「酒店」4大必睇位！190款限量造型精品
講到同小朋友出外用餐，有時又真係唔能夠每餐都選擇以遊樂為主嘅親子餐廳，原來eatigo都有好多親子相宜嘅餐廳，就等我哋嘅小記者出動，為大家親身體驗！
精選親子飲餐好選擇：
Dan Ryan's Chicago Grill
同小朋友外出用餐，除咗要考慮有咩啱佢食之外，喺開餐前，要一個又餓又活潑嘅小朋友坐定定，相信對於父母來說都係一大煩惱！貼心嘅Dan Ryan's Chicago Grill有見及此，就特別準備好塗鴉組合，等小顧客可以打發時間，絕對係家長餐前好幫手！
兒童餐組合方面，就有小朋友至愛嘅迷你漢堡，如果擔心有啲熱氣又可以選擇兒童美式芝士通粉，伴餐仲有消暑西瓜添！而除咗好味呢個元素，對家長嚟講，以上食物組合都屬於容易處理嘅選項，唔需要再加以照顧，小朋友就可以自己進食，家長終於可以好好享受一同用餐嘅時間！
至於大朋友方面，有時候「陪小朋友」外出進餐，真係選擇唔多，顧得佢胃口同玩樂配套時，大人嘅餐單又變得無乜選擇；一家人食飯，變成陪小朋友食飯，不過喺Dan Ryan's Chicago Grill用餐就無呢個問題！
Dan Ryan's Chicago Grill食品種類選擇多，由超營沙律至芝加哥拼盤，都令人食指大動！如果擔心小朋友見你食嗰樣又爭住要食的話，或者可以考慮下喺餐牌入面揀個意粉，好似以下呢個雞胸配卡邦尼意粉就啱晒心水喇！
最後，梗係要食埋個甜品先夠圓滿啦，呢款鹽味焦糖，雙重朱古力布朗尼，果真係小朋友至愛，而且份量唔算好多，適合一家人齊齊享用！
Dan Ryan's Chicago Grill
地址：尖沙咀廣東道3-27號海港城海運大廈3樓OT315號舖
eatigo訂座連結：http://bit.ly/2SjUw3Y
Komune
位於黃竹坑嘅Komune，聽上去好似有啲遠，但係其實佢都幾近地鐵站，而由於附近主要都係商業大廈同住宅，人口密度相對於鬧巿真係差天共地，如果選擇假日去用餐，仲有種遠離繁囂嘅感覺添！
單睇環境，Komune嘅配套同感覺絕對係100分，色彩繽紛嘅室內外活動空間，令小朋友異常興奮同時，亦令人有一種輕鬆嘅放空感覺！可以嘆住美食，靜靜渡過一個下午，就好似為忙碌生活打氣一樣！
至於食物方面，前菜有自助區域提供不同選擇，當中包括多款冷盤、麵包及芝士等；由於上餐時間並唔急促，呢種可以慢慢嘆住食嘅感覺，同其他限住用餐時間90分鐘餐廳嚟講，真係有種強烈對比，令人都隨住呢個步伐放慢節調。
配襯住慢活嘅感覺又點少得音樂，喺悠悠嘅環境，餐廳安排Live band不定時演出；如果生日的話，仲有佢哋為你獻唱！
除咗環境同配套，Komune提供多款自家創意菜式，而且款款獨特，好似以上呢個Crab and avocado crostini，作為主餐前小食，就有種小清新感覺。
講咗噤耐，終於到主餐喇！Fish and chip、Komune flatbread、Bucatini carbonara，每款都各有特色，而且係無論大人定小朋友都一樣鍾意食；可以一齊用餐，又有活動空間比小朋友曬下太陽，吸下新鮮空氣，可以話係一不錯嘅親子活動！另外，Komune鄰近海洋公園，如果就啱時間，仲可以安排喺活動行程當中，親子一日遊，動靜兼備就係噤簡單！
喺Komune門口仲有特色打卡牆，如果你係文青一族，又點可以錯過！
Komune
地址：黃竹坑黃竹坑道64號奧華酒店南岸4樓
eatigo訂座連結：http://bit.ly/2SeVIFC
eatigo無隱藏費用，100%免費，而且簡單易用，只要跟住以下3個步驟，就可以挑選到適合你嘅心水優惠同即時訂位！
「訂位3步曲」：
1）選擇餐廳
2）選擇日期、人數、時間、折扣&現金券優惠碼
3）確認預訂，準時出席就享受到個折扣
手機應用程式更適用於香港、曼谷、清邁、新加坡、吉隆坡等 13 大城市，依家就立即下載 「eatigo」共享親子著數啦！
