女人搽咁多護膚品，都係為美白同抗老，而陽光就係我哋嘅皮膚大敵！咁到底有咩夏日防曬抗老攻略？
陽光中嘅UVB會導致曬傷，而UVA仲會令皮膚鬆弛同出現皺紋添。 唔好以為天陰陰就唔使驚呀，因為紫外線係會穿過雲層甚至玻璃，而室內嘅燈都會放出紫外線，所以喺室內都一樣要搽防曬㗎。
紫外線咁毒，咁我地又應該點揀防曬產品呢？
市面上主要嘅防曬都係分為物理性同化學性。
物理性防曬好處係温和，敏感肌膚同BB 都用得，但係就會比較厚重同泛白。而化學性防曬就薄身又清爽，唔會笠，但化學成份可能對皮膚較刺激，敏感肌膚就要小心選擇啦。
有適合嘅防曬產品，都要用得啱先發揮到功效，所以要記住留意以下呢幾點，
1. 出門前30分鐘要搽好防曬
2. 分量要夠，面部用大約一元硬幣大小，搽全身就要7茶匙
3. 每2小時就要補一次防曬
今個夏天就唔再怕曬黑，放心同陽光玩遊戲啦。
