日本髮型師好似每個人都擁有一對魔術手，唔單有神乎神技嘅技巧，而且剪出可以令五官更精緻甚至有小顏效果！
呢位Ryokonishi 日本髮型師，首先為客人頭髮重新染上一個栗子色系嘅顏色，而且為乾燥嘅髮絲做一次頭髮護理，令整體頭髮更容易打理。 然後將接近左右兩邊臉蛋嘅頭髮剪至腮位位置，其他頭髮就剪至膊頭位置，最後將腮骨旁嘅頭髮向內夾彎，後則頭尾則夾外彎。 運用腮旁嘅頭髮遮掩腮骨，達至瘦面嘅效果，營造一個溫柔小顏風。
有好多人誤以為剪一個齊瀏海遮住額頭，就可以將整臉比例減半。但反而整齊瀏海會有放大臉嘅錯覺，正確剪一個瀏海係非常重要！本身客人一頭無層次嘅直髮，錯誤咁突出咗臉部線條，俾人有額頭大或baby fat嘅錯覺。
首先可以配以淺駝色，呢種顏色唔會俾一個笨重嘅感覺，而瀏海應剪成比較透薄，有修補額頭高嘅問題，而不至於有厚重感。 亦巧妙咁將兩邊臉髮絲剪至腮骨位置，再運用已夾彎嘅線條，令整體感覺更俐落！
短髮本身因為特顯頸部線條而已經有小顏效果，不過都要小心謹慎咁打理，先可以將面部線條修飾得更好！呢位客人本身塊臉已經睇落唔大，不過就因為沉悶嘅短髮造型，而突顯咗臉部線條。
將瀏海部分剪至額中間位置，留下一個細三角型於眉頂位置，令瀏海睇落更有層次，令額頭有若隱若現的感覺。而今次唔需要用大比例嘅頭髮遮掩臉旁，反而運用些少髮絲貼跟臉側線條，就輕鬆營造出型格小顏風！
