JILL STUART 產品一向都好靚~每次見到都會心心眼！
佢嘅彩妝品我都幾鐘意用架，有一陣淡淡玫瑰香味。
好似最近用佢新出呢隻：
JILL STUART Blend Blush Blossom全7款 (2款限定) HK$300
見到個外盒已經想收藏。
話說，我都幾多朋友係專儲JS產品，佢地會買一套儲欣賞，一套先拎黎用！
我就覺得每日用D咁靚嘅產品，人都開心D。
講返盒胭脂，一盒胭脂集合兩種滿載春日感嘅顏色。
有兩種質地，分別係：帶光澤Glow Color+透亮啞緻Foggy Color，
可以不同嘅疊塗方法締造各種質感和顏色配搭。
做Highlight用又得。
打開粉盒，J字品牌標誌壓制圖案好靚靚。
胭脂掃附上能夠調整掃毛長度，仲有點綴施華洛世奇嘅水晶裝飾！
胭脂掃毛好柔軟，上粉效果好貼服。
上臉後效果好自然，有種淡淡自然紅嘅感覺。
由於結合埋光澤Glow Color，所以皮膚睇落更有光澤。
胭脂仲有美容成份：迷迭香萃取液、薰衣草油、牛油果油(保濕成分)
整體感覺好不錯~
