唔少小朋友喺屋企人薰陶下，對烹調都甚有興趣，能夠靠自己能力完成菜式，唔單止可以培養成就感，更可以引發佢哋對食材嘅興趣，從而改善飲食習慣；將自己製作嘅食物分享畀朋友仔更可以體會到分享帶嚟嘅快樂！
另一方面，平日喺網上不時都會見到日本媽媽們炮製嘅便當分享，精美程度絕對係神級！而當中便當嘅主角，有唔少都係陪伴我哋成長嘅卡通人物，好似一班Sanrio朋友仔Hello Kitty、Little Twin Stars、XO同布丁狗等等，而喺羨慕嘅同時，你又有無諗過同小朋友齊齊落手炮製屬於自己嘅卡通便當呢？
今次真係機會嚟喇！由即日起至2019年4月12日，只要喺領展旗下嘅街市以唔多於港幣$50購買新鮮食材 （不包括調味料） ，創作出Sanrio Characters嘅卡通便當，即可參加「領展街市‧SANRIO CHARACTERS街市同『萌』」小廚神活動，羸取豐富獎品！
「領展街市‧ SANRIO CHARACTERS街市同『萌』」小廚神活動
對象：年滿6至12歲之小童（需攜同一大人參賽）
報名日期：即日至 2019年4月12日 7:59PM
