Starbucks推出嘅限定杯款雖然經常有，但就出極都有驚喜，絕對唔會令追捧者們失望，而唔知係咪因為「隔離飯香」嘅道理，日韓 Starbucks 推出嘅限定杯款更加好似有魔法一樣，能夠召醒人內心深處嘅少女情懷，一個又一個嘅「打卡杯」，確實令人愛不釋手，用佢嚟嘆杯咖啡都好似特別香濃咁！
韓國Starbucks早前就推出兩個充滿夏日風情嘅系列，呢兩套全新季節限定杯款，以冰爽藍及超人氣牛油果綠為主色調，滲透住夏日清爽感覺，淨係望住個杯都可以幻想到喺烈日當空嘅環境下，飲住杯至愛飲品降溫嗰份涼透心嘅感覺！
但正當小編陶醉喺自己嘅幻想空間，強忍住心入面嘅旅行之淚，望住呢個睇到又唔可以親身去擁有嘅「青瓷翡翠打卡杯」之際，忽然間，整個夢就被網民嘅一句狠狠擊碎...（呀！一地都係碎片啦！）咁高貴嘅「青瓷翡翠杯」點可能同佢撞樣，唔係冬瓜盅、唔係西瓜盅，竟然係呢個「盅」！
網民覺得一睇就認為激似 ... 「死神的餐盒」骨灰盅！
其實網民咁講都係得啖笑啫，最多咪就係撞色、撞花紋... 唔通翡翠造嘅玉鈪又係個盅個遠房親戚咩！（好似又真係有啲關係...）
同系列其他款式：
