今次小JM爸爸煮既係 －大腸麵線，係小JM媽鍾意食既台灣食品之一，晚餐雖然簡單，但碗入面除左盛載美食，仲盛載著滿滿既愛架！
雖然主題係同食有關，
但今次煮既都無小JM份，
因為今次係爸爸主要為小JM媽媽預備晚餐。
今次小JM爸爸煮既係 －大腸麵線
大腸麵線 可以話係其中一款小JM媽媽鍾意食既台灣食品之一。
但自從有左小JM都好耐你食過啦。
主要材料：
麵線
大腸
雞湯
調味料：
糖 適量
蒜頭 數粒（切片備用）
八角 兩粒
生抽 適量
生粉 適量
紅蔥頭 數粒（切片備用）
做法：
1.）將現成買返來既大腸切開，切成小段
2.）將糖及老抽加入已切好既大腸，再加以調味。
3.）以滾水將麵線預先煮開，備用。
4.） 將紅蔥頭、蒜片落鑊爆香，再加入雞湯及水。水滾後加入蠔油、八角以調味。
5.） 湯底完成後，再將預先煮好既麵線落鑊煮開，再加入已調味好既大腸。
6.） 再以老抽調色。
7.）最後就緊係要打返個少少既芡啦！
8.） 大功告成！自家製。大腸麵線出爐。
雖然今次買唔到靚蠔仔，
但仍然覺得好好食！
都係個句啦：多謝你呀，爸爸！
看似簡單，不過呢個獎勵媽媽我好受落～＾＾～
爸爸們，係時候要獎勵下媽媽們啦。
唔一定要煮野、買野，可以花少少時間幫輕一下既話，
其實媽媽們都會感到好開心架啦！
