放假在家，唔記得買定適合妹妹食嘅茶點，所以唯有自己動手整俾妹妹。
今次分享嘅茶點係無蛋、無泡打粉，亦唔需要免揉麵團同埋免發酵嘅茶點。
而且材料亦好簡單，屋企一般都會有~
小朋友一肚餓通常都想即刻有得食，所以如果要自製小食俾佢哋。
唔需要揉麵團同等發酵嘅茶點，絕對係我首選。
今次分享嘅食譜「芝麻粒扭紋棒」，口感係酥軟不硬，仲好香。
材料:
低筋麵粉...50g
水/奶/方奶/豆漿...20g
芝麻粒...適量
砂糖...5g
橄欖油...10g
做法:
1. 將所有材料倒入，拌勻至無粉粒。
2. 將麵團平均壓平，再分成你想要嘅數量。
3. 再將麵條，扭數下，形成扭紋條，或用曲奇模製作其他形狀亦可。
4. 放入焗爐160度，焗12分鐘左右，放涼即可食用。
簡單易整又好味嘅幼兒小食。
MeWe專頁：和牛b的成長日記
