依排天氣真係乾燥地，我個鼻都乾到有啲痛，依個時候我就會好掛住依款糖水，所以就買齊材料煲煲佢，等自己潤一潤先啦。
簡單四樣材料就可以：雪耳一朵、木瓜半個、紅棗四粒、南杏北少許、冰糖適量。
雪耳用溫水浸軟至脹大，剪去根蒂，切小片備用。
木瓜去皮及去籽洗淨，切成小塊狀備用。
南北杏洗淨；紅棗去核洗淨。
鍋內加入約一公升水，然後將各材料放入煲至水滾。
其實再轉慢火煲半小時。
最後加入冰糖煲約十分鐘即可食用。
既可以滋潤一吓，又可以暖吓個胃嘅冰糖雪耳木瓜就完成啦。
係依個秋冬季節，食雪耳真係非常之合適，因為雪耳含蛋白質、氨基酸等，具補氣、補肺、生津滋陰等功效。能夠養陰潤肺，使皮膚得到到滋潤，保持皮膚細嫩。
雖然雪耳係好有益處，不過不論係煲湯定係煲糖水，都一定要即日食晒，因為煲過嘅雪耳如果隔夜，經過一夜嘅浸透，佢就會放出一啲有害物，到時就有益變有害，所以大家要切記呀！
