最近同小小豬嚟個親子廚房，一齊整下午茶－光波香蕉酥。其實之前完全無諗過可以光波香蕉，我見FACEBOOK嗰個光波爐食譜有波友整咗，好似好簡單，所以就買齊材料同小小豬一齊整，親子一番啦！
整法都真係非常簡單，除咗入爐嗰個步驟唔俾小小豬做之外，其他都係佢負責呀！材料只需要依三樣：
先將一塊酥皮待溶化~
然後放上一隻已脫皮的香蕉~
之後用酥皮包實香蕉~
先用200度預熱光波機，然後就以高架200度波25分鐘，由於係圓柱形，所以要不時反動，我就大約每邊六分鐘左右啦！
睇吓小小豬幾心急，全程都唔肯離開部光波機呀！
當見到變成了金黃，咁就食得啦！
小小豬等左咁耐，終於食得啦~
唔知係唔係因為剛剛出爐太熱了，所以小小豬都只係食咗兩啖就唔食啦！
哈哈哈……唔緊要，小小豬唔食仲好，因為我可以食多啲嘛！我就覺得好好食，外脆內軟，而且又唔太甜，再加上依家凍凍地嘅天氣，食啲暖食物落肚，真係成個人即刻暖晒呀！
