維持夫妻間嘅感情，除咗日常相處要互相體諒、適時為對方製造驚喜，親蜜關係都係重要一環。曾經聽過唔少夫婦大呻婚後性生活急速下降，根據家計會於「2017年香港家庭計劃知識、態度及實行調查」受訪者認為「生活空間擠迫」及「與孩子同住一室」是影響夫婦性生活的最主要因素。
討論區熱話：好想同老公離婚..但係又身不由己
更多文章：相處都講藝術！如果有得揀，真係有人自願同四大長老住！？
婚後嘅角色轉換，彼此之間嘅親密關係就跟住一齊轉變。由男女朋友變老公老婆，有咗小朋友之後成為爸爸媽媽。奇怪地，有唔少夫婦多咗呢個角色之後就激情不再，淨返親情。
有網友喺網上討論區表示，覺得自己對丈夫已經冇晒感覺，加上網友同老爺奶奶同住無機會有親密接觸，已經「有成1年幾冇掂過大家」、老公成日話忙、「但實搵到啲節目又去咗約朋友」。其實長久落去確實幾難捱，又無溝通又無火花，直頭由拖友變咗做室友。
討論區熱話：好想同老公離婚..但係又身不由己
更多文章：相處都講藝術！如果有得揀，真係有人自願同四大長老住！？
會唔會因為生活喺同一屋簷下，好多日常生活習慣開始表露無遺？例如唔沖涼唔洗頭、食完飯放屁、開門大小便，破壞咗各種戀愛時個份神秘感，令到雙方提唔起激情，性生活繼而減少？又有可能婚後生活壓力，比單身時唔同。照顧整個家庭日常生活，小朋友開支、雜項洗費，夫妻之間為咗柴米油鹽已經煩到一頭煙，甚至乎不停爭執，邊有興趣同心思親密？又或者會唔會因為唔少夫婦婚後同父母同住，又或者地方淺窄，親密關係要就住就住，影響咗彼此嘅動力？
講到最尾缺乏溝通其實係眾多問題癥結所在，發生以上提及嘅可能性時，好多夫婦對於性愛方面都難以啟齒，怕向對方講出真心話同要求，會被覺得好色。或用怪責嘅方式來表達自己嘅不滿，久而久之造成彼此心中嘅埋怨，自然對於親密之事更加冷感。所以建立良好溝通關係係非常之重要，用鼓勵代替怪責，唔洗怕羞，溫柔地提出自己嘅需求，總好過左怨右怨，令關係更惡化！
