「養兒一百歲，長憂九十九」，作為媽媽，對於孩子人生中的大小事都會十分緊張。有港媽早前在網上討論區發文，指已經投身職場的兒子至今未試過拍拖，目前的工作環境又甚少有異性，後悔當初要他專心讀書不要拍拖。她擔心兒子未來會孤獨終老，自己亦會「冇孫抱」，便打算為兒子安排相親，卻被對方狠狠拒絕，並指十分享受單身生活，令她十分憂心。
該名港媽在香港討論區以「開始擔心阿仔娶唔到老婆」為題發文，表示兒子已經畢業投身社會工作，但至今仍是「母胎單身」，未曾試過拍拖，令她後悔以前叮囑兒子要專心讀書，求學時期不要拍拖，「搞到佢真係咁聽我話，真係到而家都冇拍過拖。」
港媽指即使兒子現時投身社會，卻因為職場甚少異性，難以認識另一半，擔心長此下去兒子將無意生兒育女，「再唔識我真係怕佢以後識唔到老婆，咁我就冇孫抱啦。」為了讓兒子可以早日「脫單」，港媽有意為兒子介紹對象，怎料兒子勁大反應拒絕，「我都明而家呢一代人係會抗拒相睇，但都係一個識女仔嘅方法呀！」
港媽表示自己只是好心想做月老，讓兒子可以多一個認識異性的機會，但兒子目前卻似乎十分享受單身狀態，「阿仔對自己而家光棍嘅狀態好滿足，佢仲話咁先可以慶祝雙11呢個光棍節」，令她十分憂慮兒子未來會孤獨終老。
帖文引起網民熱烈討論，不少網民籲樓主不要擔心，指感情一事不能強求，「與其娶件極品港女返嚟，不如開開心心做光棍啦，緣份到嘅，就自然水到渠成」、「等下吧，緣分嘅野冇得急」、「咁大個就放心由佢選擇自己人生吧」；亦有人認為兒子有可能只是瞞着父母拍拖，「讀書時成日叫佢唔好拍拖，宜家好大機會有拍拖但唔話你知」、「係唔係偷偷地拍拖冇同妳講咋」。
