子女永遠都是父母的心肝寶貝，近年不少小朋友被批評患上「公主病」、「王子病」，全因他們自小受盡長輩的呵護，萬千寵愛在一身，變得驕生慣養、自我中心，成為他人眼中不受歡迎的小朋友。有網民批評現今的家長太緊張小朋友，以致造成他人的困擾，引起熱議。
《暖男爸爸》劇照
有網民在親子王國以「點睇啲阿媽當自己仔女做公主王子？」為題發文，表示在社交媒體看到有媽媽控訴髮型師為她的兒子剪頭髮時，用力固定他的頭部，批評對方威脅兒子的生命，「又鬧爆髮型屋同髮型師」，結果髮型屋上載閉路電視片段，顯示髮型師只是輕力動一動男童的頭部。
更多文章：【JM有話兒】男醫護助12歲女照X光 港媽被趕感不滿
這事令事主想起以往曾經在街上看到別人不小心撞到陌生的小朋友，對方的媽媽立即發難，「指住人哋嚟鬧」，但事實上卻是小朋友跑跑跳跳，橫衝直撞，不小心撞到別人，「但阿媽見到個仔一喊就以為人哋大力撞佢，喺度潑婦罵街」。自此，事主外出時都會與小朋友保持一定距離，原因是擔心「佢無啦啦一喊就好似你錯咁」。
帖文引起網民的熱議，有人認為爸媽緊張子女是正女不過的事，但部分爸媽做法太誇張，「以為自己小朋友大晒，最矜貴、永遠高人一等」、「當仔女係公主王子，因為佢當自己係皇后」、「港媽生港孩，咪當自己嗰個係寶囉」。
更多文章：【JM有話兒】尋找子女胎前記憶？關心妍囡囡：JESUS畀我揀媽咪
亦有人分享類似經歷，表示父母愛錫仔女沒有問題，但前提是不應該影響別人，「我都試過比個媽媽鬧，佢保護小朋友係啱，但唔好一來就怪責人」、「我試過推商場玻璃門、撞到個小朋友鞋後面，佢阿媽唔知頭唔知路就起勢鬧人撞佢小朋友個頭，佢唔諗下自己都唔理個女，只係識拖住個仔有咁快行咁快」。
