自閉症徵狀通常在幼童三歲前就會出現，不少家長都會留意仔女在語言溝通或與人互動相處時的表現，來判斷他們是否有自閉症。近日有港媽在在網上討論區發帖，指其2歲兒子平日對自己與老公表現很冷淡，即使叫他也沒有太大反應，加上兒子會執著於物品務必要擺整齊，種種現象令港媽憂心兒子是否有自閉症。
相關討論：好煩惱，懷疑小朋友係咪有自閉症
相關文章：老婆寄生家族輪流霸佔主人房 人夫被逼瞓廳6年：是我太小器？
近日一位港媽在親子王國討論區發帖，分享2歲的兒子經常無視自己和老公，而且十分愛整齊，「平時我同C6 點叫仔仔都冇咩反應唔係好理我哋，但係佢好鐘意整齊，所有玩具一倒出嚟就要排到佢地整整齊齊，亂咗一定要執返好，我上網睇過自閉症嘅小朋友都有類似嘅情況」，因此懷疑兒子有自閉症，無助地求問網友意見。
大部分的網民都安撫事主不用太過擔憂，亦不要自己靠估，建議盡早帶小朋友尋求專業人士協助，去做正式的評估，「揾專業人士評估，要診斷為自閉症並唔係咁簡單睇理唔理人，仲有好多唔同方面。」、「叫家庭醫生寫封介紹信去政府兒童評估中心排期,都約等一年或多小小,反正2歲太小,評估未必準,排到黎差不多。」
相關討論：好煩惱，懷疑小朋友係咪有自閉症
亦有好心網民提醒事主不要因為過份緊張小朋友有自閉症，而跌入奸商的陷阱，「小心好多人揾食推介上乜乜堂,又話越細越好,利用家長心急弱点,收天價費用,成效成疑，自己細心分析考慮...」。
另有其他媽媽留言為事主打氣，表示即使孩子有自閉症也用太悲觀，總有出路，「唔洗太擔心，就算touch wood係都可以改善，而且可能高iq」、「我仔當年高班先發現佢係阿氏保加仔，學校比信健康院，再經醫生轉介信去政府見醫生同心理學家，上埋言語治療，有左record 第時上小學中學都有社工同言語治療師跟，唔使太擔心！」。
