人人都希望有個好鄰居，可以互相照應。繼早前台灣藝人分享自己被鄰居偷鞋的事件以外，日前有網民在討論區發文，指其鄰居將鞋架掛在大門外，「見到擺咗幾日，係咪因為唔掂地所以唔算阻塞呢？」惹來熱議。
更多文章：【你想安居】門外鞋履離奇失蹤！1招逼出「鄰居小偷」丫頭 ：超離奇！
從網民貼出的相片可見，其鄰居將一個十層的鞋架凌空掛在大門的鐵閘外，而地上則放一堆紙皮。網民稱鄰居已這樣放了數天，反問：「係咪因為唔掂地所以唔算阻塞呢？」不少網民隨即留言指「財不入污門」、又言「佢哋傻的嗎？大門係納氣口，主宰整間屋嘅命脈，畀咁多對鞋踩住自己個頭，呢家人一定不會順利。」
亦有人表示第一次見這樣放鞋架，又擔心這樣並不衞生，「啲鞋乾淨極都有限啦」、「都唔知點開門。」
其他網民意見：
未見過人咁擺鞋…咪好大陣異味，阻住晒又唔美觀！
放腰以下位置都仲可以，放得太高就唔好！
未見過，佢哋要除鞋著鞋咪赤腳踩門口地下？開門對住啲污糟鞋都頂唔順啦……
