不少在職家庭都會聘請外傭姐姐來照顧一家人的起居飲食，但要請到夾得來得姐姐並不容易。日前一位港媽在Facebook群組中發文，批評外傭是「工主」、「愚蠢」，卻反遭網民嘲諷無見識。港媽指出，她要求姐姐煮一半意粉給女兒吃，但外傭的一半是想意粉截斷一半。港媽表示：「明嘅，佢真係蠢，唔係扮嘅！」網民紛紛留言反駁，這樣截斷一半是細心的表現，認為姐姐很聰明，又言不少專門讓小朋友進食的麵食都是教導家長由中間截一半，方便進食。
港媽在「外傭僱主必看新聞訊息」發文，批評姐姐是「工主」，並分享其「傑作」。港媽指出，她叫外傭煮一半意粉給女兒，「啱嘅，佢真係煮咗一半，係我講得唔清楚！明嘅，佢真係蠢，唔係扮嘅！」從圖片中可見，外傭姐姐將意粉在中間截斷一半。
不少網民反駁，「其實我反而覺得係樓主蠢唔係扮」、「無見識」。亦有人認為姐姐醒目，懂得整斷一半讓小朋友較容易進食，而且需要花更多工夫弄斷「不如調返轉，你嘗試欣賞吓姐姐？」有家長貼出日本麵食的包裝，解釋有不少麵食都有弄斷一半麵讓小朋友進食的指示，「姐姐識得咁樣煮畀小朋友食，好醒目喎。有啲包裝直頭教埋你咁做啦，姐姐喺無人教、包裝無寫嘅情況下都諗到可以咁做，其實佢真係好醒，係扮嗰個好似係樓主」。
