遇上細心好姐姐，如何可以令姐姐做得開心、又能繼續做得好？有網民日前在Facebook群組上發文，提到現時的外傭姐姐工作表現良好，而且盡責、快手又醒目和不計較，於是她詢問一眾網民，「遇到好姐姐，你哋會點做令佢態度同做事能力保持？點樣令佢唔好學壞？」不少網民留言，提到間中給予零食獎勵和對她如親人，姐姐自然會用心工作。
更多文章：【港識教養】用「可以」代替「唔得」 正向育兒助孩子勇於嘗試更自信
有網民日前在「表揚好姐姐開心分享區」中發文，提到現時的姐姐表現良好，平日工作盡責亦快手，醒目而且不計較。她坦言，有時自己不敢相信會有這裡好的姐姐，反而經常聽到其他人的外傭姐姐「話工人越做越懶、離譜、黑面，甚至遇到偷嘢借錢等等」，因此，她希望向一眾僱主請教，如何可以令姐姐佢態度和做事能力保持、不要學壞，又問大家會否獎勵姐姐。
不少網民留言，提到最重要的是將心比己，認為姐姐離鄉別井地來香港工作，「對佢好，佢自然會用心工作」；也有人提到，只要對待姐姐如自己家中的一份子就可以，「我咪直頭當佢係我屋企一份子囉，佢對住我個女啲時間仲多過我對住我個女」；
「耐唔耐同佢去街市買餸，平均1個月1次，會同佢入印尼鋪叫佢想買乜就買乜，冇話買幾多錢，佢次次都幾十蚊就算，小小呢啲獎勵佢已經好開心！」；
「雪櫃汽水、雪糕、果汁，屋企零食叫佢任食。佢想食乜買餸随便買。我不當姐姐是工人，我當佢是管家。佢又幫我剪頭髮、又整衫畀我，又幫我油指甲、又同我小狗冲凉，簡直101分」；
「我家的菲姐已做11年頭，我們都當佢係親人，我常教孫兒要對佢感恩。」
