本地不少家庭都有聘請外傭姐姐，有些人與姐姐關係密切，仿如一家人；有些人則未能與姐姐交心，樣樣都要斤斤計較。有港媽日前在社交媒體發文指，他們一家人趁兒子生日出外吃飯慶祝，另給姐姐$200自己食飯。但港媽事後卻對姐姐沒有為兒子準備生日禮物而感到失落，引發網民熱烈討論。
該名港媽在Facebook群組「外傭僱主必看新聞訊息」上發文，指外傭姐姐來到家中工作接近1年，近日適逢兒子生日，他們一家人外出打邊爐慶祝，但沒有與姐姐同行，其丈夫給了姐姐200元，讓她自行到商場吃晚飯。
不過兒子生日過後，港媽發現姐姐沒有送生日禮物予兒子，「姐姐都冇準備一份禮物送俾囝囝。」雖然她認為生日禮物並非必須，但心裏難免感到失落，因為去年聖誕節她亦有為姐姐準備禮物。
相關帖文引起網民熱烈討論，不少人都認為港媽對外傭姐姐的期望不合理，指「點解叫左姐姐出嚟，唔預她一起食火煱？咁做咩要她出嚟？」、「$200食晚飯和買禮物真係有難度，冇理由要貼錢㗎」、「佢份人工唔多又點會預期送生日禮物㗎，同埋你都唔係預姐姐一齊慶祝生日，點解要送禮呢？」、「生日慶祝都唔預埋人哋，但又要人哋送禮物」、「你都冇預佢切蛋糕食飯慶祝，係你唔預人在先」。
當中亦有人批評港媽為人，「你都唔當姐姐係自己人，仲要求人哋對你好？」、「如果樓主真係咁好，就唔會掉低200蚊叫姐姐自己去食飯啦」、「真心有啲咁小家嘅人呢！」更有人忍不住反諷港媽，「你有冇買生日禮物畀你老闆個仔？」
