伴侶的初戀情人是一個怎麼的存在？大家會介意另一半與初戀情人見面嗎？一位人妻在網上討論區發文分享，指無意中發現老公在電話通訊軟件與初戀情人聯絡，在對話中事主老公還主動約對方會面食飯，雖然最終約會不成事，但此舉令人妻很反感，情緒大受困擾，「我個心就覺得好唔舒服」。人妻反思是否自己反應過大，因此發文求問網民意見。
一位人妻在網上討論區親子王國以「好奇一問：老公想約初戀情人食飯，你會有咩感覺？」為題發文，問道網民「係咪初戀可能真係特別難忘？」，事主分享她無意中看到老公電話的通訊軟件有一個被封存的對話，在好奇心的驅使下她打開了對話，意外發現老公原來一直有與初戀情人聯絡，「佢應該都驚我會無意中見到佢同初戀嘅對話,，所以archived 咗，點知我咁啱㩒錯又㩒咗入去，見到一個陌生名就好奇再㩒入去睇下」。從二人對話中，還發現老公主動約初戀情人會面吃飯，雖然最終約會不成事，但此舉令人妻很反感，情緒大受困擾，「我個心就覺得好唔舒服」。
人妻又指將心比心，比著自己絕對不會這樣做，「我就係唔明d 男人到底真係覺得無問題，定係淨係介意你咁做，自己就可以咁做」。另一邊廂亦有反思是否自己反應過大，想問問網民的意見「我唔知係咪自己反應過大，諗多咗，所以想聽下大家嘅意見」。
帖文引起討論，大部分網民理解人妻的心情，直指她老公的行為不妥，「根本唔應該約」、「既然都分咗手 有需要再見嗎？ 」、「不如倒轉問返老公，你想約初戀情人食個飯，話大家只係聚下舊，睇下佢會有咩反應」、「講真，如果係啱嘅 當初都結咗婚啦。。婚後再做呢d野都係多餘，而且唔尊重伴侶」、「唔使講，C6 100%錯， 佢唔話你知初戀已經錯晒，仲要私下約個女仔， 肯定有野， 睇實佢，學jm講有咩事預備散水」。
