受疫情影響，不少人放工後的消遣活動都會移師到家中或私人地方進行。早前有人妻在討論區大呻，丈夫喜歡帶同事回家食飯「痴餐」，令她感到非常反感。近日再度因錢銀問題拒絕丈夫的邀請後，觸動了丈夫情緒，遭罵：「你唔想咪話唔方便，使唔使咁講嘢？」她無奈地問一眾網民：「係咪我有問題？」
相關討論：老公好鍾意請同事上門食飯
人妻在親子王國討論區上發文，指丈夫喜歡帶同事回家食飯，曾有一位同事A食過一次後「翻尋味」，每日都要到她家中用餐，但都會被她拒絕。後來另一位同事因在家中附近放工，丈夫再度問人妻可否請同事回家食飯，人妻無計拒絕之下，只好與同事一同食飯。
豈料，近日丈夫用同樣理由打算請三位同事回家食飯，人妻以家中空間不足為由拒絕，丈夫則認為大家可以坐在地下打邊爐。人妻反駁：「又請人食，好多錢咩？」隨即令丈夫生氣地道：「你唔想咪話唔方便，使唔使咁講嘢？」人妻無奈地表示，因看不過眼丈夫經常要為同事們支付飯錢，又認為其中一位同事「專屈人請食飯，攞人著數！」加上自己本身不太喜歡招呼客人，才希望丈夫不要再帶同事回家，卻造成二人之間的衝突，大表無奈。
網民紛紛留言，認為丈夫應多加尊重太太的感受，甚至建議：「佢講一句，就叫你做晒所有野，又煮又洗，然後佢喺同事面前威威，何樂而不為。下次佢想請人嚟食飯，就叫佢自己買洗切煮，你只負責食和吹水，包佢唔會再請人嚟。」
