「言者無心，聽者有意」，伴侶之間互相取笑對方都要適可而止，有時候說話太過份無意中就會傷害到對方。一位人妻近日在網上發文抱怨她愛開玩笑的老公不停笑自己年紀大，叫她不要裝年輕，甚至直指人妻與公司年輕的女同事比下去，令她心裡很受傷，分不清楚老公是開玩笑還是趁機嫌棄她。
一位人妻在網上討論親子王國以「老公成日話自己只係講笑」為題發文，抱怨老公經常開玩笑令她心靈受傷。人妻指一直以來與老公的感情不錯，平日相處的模式都是有說有笑，但由於老公太愛開玩笑，間中會被對方無心的狠話傷害到，「有時都會俾佢所謂嘅笑話hurt到」。
人妻透露老公最近很愛說她年紀大，叫她不要裝年輕，甚至直指人妻與公司年輕的女同事比下去，「佢最近好鍾意話我年紀大，唔好扮後生女，話佢公司大部分同事都係後生女，賞心悅目。」，她聽到後心裡耿耿於懷，更反思自己的外表是不是真的對方口中的差勁，「雖然我知我40幾歲年紀唔細，但都不至於好殘，我有努力保養，唔係俾佢睇，我自己都會貪靚的。」人妻雖然知道老公很愛開玩笑，但不時都會很疑惑對方是真的在說笑，還是心底裡真的在嫌棄自己的外表，「依家有時都唔知佢係講笑，定借啲姨嫌棄我」，因此她發文問網民的老公會不會有類似的情況？
帖文一出引起熱議，有網民留言表示共鳴，指自己的老公都經常開玩笑取笑自己，「我C6都中意咁樣，以為自己好風趣」、「男人把口大多數係咁，8成講笑2成認真」、「我老公都會架，佢話我，我咪話番佢囉 星期六睇果套超星團，我話睇呢d小鮮肉真係好開心，賞心悅目，好過睇你啦！」。
另外有網民勤人妻不用太上心，笑言可以向老公還擊，「D男人把口唔窒過你唔安樂, 某程度上係喜歡你的表現, 好鬼幼稚。」、其實有咩好hurt, 咪話返佢囉，乜佢個樣好後生好靚仔咩？」。
另外也有人建議人妻應該跟老公好好溝通，坦白說出自己的感受，「講笑也要適唔可而止，樓主如果聽落唔舒服，要比C6 知，免得佢以為好得意，得閒又提，到時你先出聲，佢可以話一向都係咁，做咩依家先發脾氣。」、「其實要提醒吓佢。啲男人成日以為自己講笑，講完就冇咗件事。其實聽嗰個耐咗心入邊就會有條刺，影響感情」、「我會清晰同老公講我唔鍾意聽呢d，如佢真心講笑自然知衰。」、「話互串嗰d我覺得無意思，因根本無清楚向老公表達你咩事唔高興，只會令同樣問題繼續發生。」
