新抱與奶奶的相處，從來都是千古難題。一位人妻在網上討論區發帖抱怨奶奶的無禮行為令她感到不舒服，「有時覺得阿奶奶好冇禮貌，打橫瞓你張梳化喺度玩電話，翹埋隻腳咁」，令她好奇大家的奶奶會不會有同樣的習慣，疑問這是否屬正常行為，因此發帖求問網民意見。
一位人妻在網上討論區親子王國以「99去你屋企，會唔會打橫瞓喺你張梳化？」為題發文抱怨奶奶的無禮行為，「有時覺得阿奶奶好冇禮貌，打橫瞓你張梳化喺度玩電話，翹埋隻腳咁」，並稱如果自己作為別人的奶奶，絕不會這樣做，最多只會坐著。面對這樣的情況，雖然心中有不滿，但人妻一直不好意思說出口，「出聲又好似好衰格咁，但硬係覺得好奇怪」。她補充指假如有實際需要，想睡覺休息是沒有問題，但如果大模廝樣當作自己家就不太接受到，「如果真係要瞓休息冇問題，不過睇睇吓電視瞓喺度玩電話，即係當自己屋企咁我又覺得唔係太OK」。就以上情況，人妻好奇想知其他人的奶奶會否這樣做，於是發文求問網民意見，「純分享，想知係咪正常同common」。
帖文一出引起熱議，有網民身同感受指有同款奶奶，也接受不到此行為「有！一模一樣，唔訓梳化就一隻腳踩住梳化坐，好難睇，又醜怪！唉......」、「我62上嚟我家，有時我不在家，佢上嚟可能拎嘢比我哋，坐唔夠5分鐘就攤在sofa, 攤到我張sofa甩曬皮，有次仲發現攤左係我床 又費時話佢，也話佢唔到」、「唔理身份角色，任何人都唔會未經許可，去人屋企瞓人梳化。」、「如果新抱係到就唔好，始終都係人哋屋企」。
不少網民認為事主奶奶一心當兒子的家就自己的家，「我諗你99覺得瞓係阿仔張sofa, 即係同自己屋企一樣！」、「99當呀仔屋企係自己屋企嘛」、「99應該當自己屋企，當你哋自己人冇拘束，如果大家關係好其實我唔會太介意 」。
另外有網民指如果長老是替自己照顧小朋友，有需要休息就不會介意，「我兩公婆返工，佢黎睇孫嘅會 幾粒鐘，攤喺梳化都正常嘅」、「會呀, 不過佢幫我湊小朋友, 所以我明白」、「如果黎幫手湊小朋友，我唔介意，始終咁長時間都攰」。
也有不少網民認為只是小事一椿，覺得一家人無需要計較，「一家人瞓梳化無問題，再唔係整間客房俾99休息，我地書房有張梳化床可以拉出黎俾6299攰時休息」、「6299咁親真係無所謂，老人家易攰，舟車勞頓，有時留幾個鐘想hea下都係人之常情，話晒係自己仔屋企，個新抱咁都睇唔過眼，如果係自己阿媽上黎又會唔會叫佢唔好攤？」、「自己親人，無乜所謂」、「好少事，佢鍾意訓咪俾佢訓囉」、「同理，你媽瞓你張梳化得唔得？」、「老人家腰骨唔好，休息吓好正常，仲會叫佢入房瞓我想睇電視」。
