有不少新抱都表示，不知道該如何拿捏與奶奶的關係。有新手媽媽在討論區大呻，認為自己的奶奶難以溝通，奶奶更不時會「畀說話佢聽」，有時甚至要搶先要抱孫安撫，令她既生氣又無奈。
加入討論：產後抑鬱對住奶奶
港媽在親子王國討論區上發文，形容自己面對奶奶時感到「產後抑鬱」。她指出，她平日想自己親身照顧寶寶，可是奶奶一聽到寶寶哭鬧的聲音，就會「成日衝入我房要抱佢」，有時甚至會坐上她的睡床觀察寶寶的情況。她指出，奶奶的衛生意識差，「成日去街返黎、掉垃圾、打完乞嗤……都唔會用梘液洗手就去掂個孫！」可是對此她無法成功阻止，令她感到非常困擾。
同時，二人的育兒習慣並不一樣，提到一次奶奶堅持要幫忙餵奶時，寶寶在途中睡著，「佢都係咁塞奶樽畀佢，我都驚佢濁親！我媽睇唔過眼，搶住同我奶奶講，佢唔係唔飲呀！要畀耐性心機呀！」此外，她又指奶奶「健康人生」，煮飯從來都不會加油鹽調味，她從不喜歡留在家中食飯，奶奶卻會詢問原因，令她感到尷尬。
最令她不滿的是，她認為自己與奶奶之間的衝突源於「奶奶覺得我出現已搶走佢個仔」，有時甚至因坐月時一家回娘家住，奶奶會「擔心佢自己寶貝兒子喺我媽家無啖好食，又當住我同阿媽面前，講佢個仔瘦咗好多」。不少網民都認為，她與丈夫可以考慮搬出來自住，化解衝突。
