相處好同住難，要重新適應家庭成員的生活習慣並非一件容易的事！有準媽媽在討論區上大呻，提到自己剛剛發現懷孕，無法繼續原本工作，因此為慳錢住在奶奶家中。可是奶奶的起居習慣與她不一樣，導致她瞓得並不安好，與老公亦難有二人世界，令她煩惱非常，甚至揚言「真係就快畀佢搞到產前抑鬱」。
加入討論：就嚟畀我99嘈到發癲
準媽媽在討論區提到，自己原本在酒吧工作，發現懷孕後無法上班，為了儲一段時間的錢而決定搬到老公家中住。可是，奶奶起居習慣與她不一，「好似唔使瞓咁，日日大大聲開住個電視睇到凌晨2點，朝頭早又晨咁早8點起身嘭廁所板嘭門嘭櫃門同吸塵，完全無得瞓！」她提到，老公亦不禁問奶奶為何要大力「嘭」廁所板，奶奶解釋因廁所板有細菌，不想用手觸碰。
她指出，有時想同老公二人世界，在半夜打邊爐，可是奶奶在晚上卻不睡覺，「成日刷存在感恰晒眼瞓但都唔去瞓，留喺廳阻住晒，真係就快畀佢搞到產前抑鬱！」不少網民反駁，認為事主的奶奶才是屋主，確是有權遲睡早起。更有人認為，「你就真係唔駛刷都好有存在感，仲好意思嫌人阻住你打邊爐，都唔知邊個阻住邊個。」
