歲半至兩歲的小朋友，或許都在經歷人生第一個反叛期「Trouble Two」，令家長們既無奈但又束手無策。日前一位港媽在親子王國討論區上發文，大呻小朋友脾氣大，當小朋友發脾氣時的力氣同樣很大，「每次搏鬥完大人都會手軟腳軟，有冇其他小朋友有類似情況？」
加入討論：Bb脾氣超大圍爐區
港媽在文中表示，現時15個月大的寶寶向來脾氣大，力氣同樣大，發脾氣時更是一發不可收拾，而且愈嚟愈難安撫。港媽舉出兩個例子，一是當小朋友晚上睡覺，凌晨醒來了時，「第一秒已經出盡力歇斯底里喊，唔會有任何緩衝」。即使有時可以用奶嘴安撫，但有時卻要抱出廳搖30分鐘才能睡著，「未訓著之前都會keep住發癲咁喊。」
此外，當小朋友無法做到自己想做的事情時，例如自行落地行或玩某些玩具，就會開始發脾氣，「如果大人抱住的話會突然整個人大力仰後，好難捉緊佢，佢會好似條大魚咁周圍典」。媽媽又形容，小朋友更可在手上「360度不停郁同大喊」，亦難以分散到他的注意力，「通常每次發癲最少玩十分鐘，每日2至4次，每次搏鬥完大人都會手軟腳軟。」媽媽無奈地問，會否有其他小朋友有類似情況？
有網民留言，提到認為媽媽可以嘗試用言語，幫小朋友表達他們當下的感受。網民續指，小朋友生氣的背後，除了想得到他們想要的東西，亦會想父母明白自己的感受「當講咗出來，其實佢哋真係會明，同埋平靜得快好多！」
