香港學生學業繁重，承受不少壓力。近日網上流傳一段影片，一名小二女生疑壓力爆煲，在港鐵車廂內向媽媽哭訴，長達5分鐘的對話中不停重覆「好辛苦」，有關片段引起網民熱議，並再次關注本港學童心理健康。
初小女生哭訴5分鐘
根據傳媒報導，有網民早前在「香港新聞突發時事合集」上載一條長約5分鐘的影片，拍攝者將鏡頭朝下，主要錄取女童的聲音。從影片中可聽見一名就讀小二的女生，於港鐵車廂內崩潰向媽媽哭訴讀書壓力大及被同學排擠的辛酸，對話過程中不停強調自己好辛苦，聲嘶力竭的聲音令人心痛。
女生向媽媽表示自己每天上學很辛苦，很想離開但被阻止，「我依家已經唔舒服，仲要日日係到返學，我好辛苦。晨早留留咁早起身，我想瞓係個被到，仲要咁早起身。」她又大呻媽媽不讓她看手機，「你成日都唔畀空間我，我好辛苦先升可以到二年級，我唔係可以好似你咁樣㗎。你依家又乜嘢都唔畀我睇，你依家好唔鍾意我，你可以叫我即刻走囉！」
媽媽表示過兩日，女生則回到：「我唔想過兩日，我想即刻走呀！我等咗幾年，我好辛苦㗎，我想走好耐喇，你拖咗我好耐啦，你唔好再咁樣對我！」
期間，女生又指自己做了很多事情幫媽媽，其母反問：「你做咗乜嘢幫我？」女生指「你唔好問！你而家仲想唔想要我，你唔想要我叫我即刻走囉！你咁樣我好難講理，好難頂呀！」
疑似被同學排擠
女生之後向媽媽哭訴遭同學排擠，「冇人鍾意我呀，同學唔鐘意我，依家無人同我玩，我連同學都無一個呀！我好辛苦，你知唔知我幾辛苦。你仲係唔明，就要咁樣嚇我，你哋啲大人都係咁，無得改嘅！」
期間女生一直提到自己很辛苦，媽媽又不理解其痛苦，言談中更疑似流露輕生念頭，「我依家好辛苦，我都唔知忍得幾耐，我真係頂唔順，生存係呢個世界上，你唔好成日咁樣得唔得啫，我好辛苦，我頭痛呀！」影片拍到兩人離開車廂後結束。
影片引起網民熱議，不少人表示感到心酸，「聽得出個妹妹真係好大壓力」、「現在小朋友好唔容易生活！」、「似乎媽咪並不重視小朋友的哭訴」、「善待孩子，勉強真是冇幸福架！」、「成日話香港教育制度，父母本身都不斷壓迫子女，一日學呢樣學個樣，又補習！」
來源：香港新聞突發時事合集
