父母的行為會潛移默化地影響小朋友，所以家長記得要注意自己的言行舉止！日前，有網民指自己某日過馬路時，見到一位媽媽在馬路邊「爆粗」責斥身穿幼稚園校服的兒子講粗口，更質問兒子「邊個教」。目擊者直言有衝動幫小朋友回答媽媽的問題，「咪媽媽你囉」，無奈認為身教非常重要。
更多文章：【港識教養】父母最易教壞小朋友的十個壞習慣 專家：潛移默化地影響
有網民向Facebook專頁《生仔要考牌系列》投稿，指自己一次等過馬路時，旁邊有一位港媽和身穿校服，約是幼稚園中班或高班的小朋友。當時媽媽正大聲斥責小朋友，「你個死衰仔，你老母我咩面都無X晒，你做乜X嘢學人講粗口 」。小朋友則回答：「X，我無呀」。媽媽見兒子再度講粗口，因而反駁：「仆XXX，衰仔，你又講！邊X個教你㗎！係咪同學教你！？」兒子則叫喊地表示自己沒有，媽媽隨即再度「爆粗」：「x！你無？」
目擊者形容，當媽媽問小朋友「邊個教」時，有衝動幫小朋友回答媽媽「咪媽媽你囉 」，但礙於他只是路人才沒有作聲。目擊者又認為，小朋友只是張白紙，故此身教非常重要。「你做咗咩嘢，講過咩嘢，其實佢哋唔識分對錯，只係會學大人咁講同做。」目擊者又勸媽媽「講少兩句粗口」，不要影響自己形象。
