養育一個小朋友真係講心又講金，最近就有JM提起10幾年前嘅一個廣告，當中提到要培育一個小朋友由出世到成年，粗略估計要起碼要400萬；嚟到2021年隨住物價通脹，街邊炒栗子都由$20一磅升到$44磅啦，咁400萬仲够唔够？若然咁講，如果唔生小朋友，咪個個父母都可以成為百萬富翁？
對於『400萬仲够唔够 ？』呢個問題好多JM都話，其實要睇你想「平養定貴養」，如要去外國讀書，咁就一定唔夠啦！不過亦有JM以自己作例子，養夠兩個都唔使400萬，「冇計過，我窮養 應該唔使」、 「正常有條件嘅家庭當然唔夠，讀書未上到大學已用百幾二百萬！」、「我兩個窮養，不用400萬！」 、「剛計一計，淨係比呀女PN 到小六嘅學費加補習已經要120 萬！」如果咁睇，即係原來養個小朋友都係講豐儉由人？
討論區熱話：依家養個小朋友400萬仲够唔够？
討論區熱話：依家養個小朋友400萬仲够唔够？
睇到呢度，若然你哋係正計劃生育嘅兩口子，可能都聽到怕怕，計完都唔敢生，不過鯊魚太就覺得其實個數目都係積少成多，而且唔少家長都認為養育小朋友生活費都係小事，反而係如果你對教育有要求，開始讀書先係無底深潭，有JM就粗略列出 「平貴之道」：
不過講到尾，鯊魚太就好認同呢位JM所講：「其實教養仔女，無錢唔得，但用錢貴養，都唔及用心貴養。細路哥報個幾貴嘅playgroup學語文，都唔及父母日日臨訓前一齊睇書講故事咁有用。」心血比錢更珍貴，父母嘅身教、關懷又點可以用錢衡量呢！
