親子王國最近有一個大熱post 出現，由今年7月開始引嚟近80萬個查閱、超過400頁討論，絕對係今年最爆嘅post（沒有之一）！題目係：「大家減齡 (有玩 / 無玩都可以入黎) ！」一眾JM熱烈討論點樣可以「減齡」換 Coupon，小編發現有部分資深會員成為「減齡」達人，唔單止係換到好多Coupon，仲成個人健康晒！小編搵嚟其中一個JM Miriam ，訪問咗佢玩「大家減齡」嘅心得，同大家分享吓佢嘅儲分秘技！
小編：「點解你會裝大家減齡呢個APP呢？」
Miriam ：「最初我係見到親子王國有JM開post講『大家減齡』呢個App，見到唔使錢，只需要郁下就可以儲分換Coupon，基於有著數，同埋免費換Coupon嘅誘惑，好奇心驅使下，我就裝咗嚟玩。我裝咗都有4個幾月，呢4個幾月對我嘅生活真係產生好大改變！」
小編：「呢個APP 有咩咁好玩呢？」
Miriam：「呢個APP其實係根據用戶嘅年齡、身高、體重、心率同睡眠時間，配合每日步行或者跑步數據，得出每日嘅減齡成果，而減齡成果，就會結算為用戶所得到嘅積分，啲積分累積起嚟，就可以換取不同種類嘅獎賞。唔使錢，又冇乜特別野要做多咗，淨係裝個APP 就有機會換到coupons，我諗最好玩就係呢一點。」
小編：「用家點樣可以成功儲分呢？」
Miriam ：「呢個APP有樣特別之處，只要有運動手錶，就可以連接去『大家減齡』，好方便就記錄到每天的步數同心率等資料，如果無運動手錶，減齡效果就會無咁理想（會點都拎唔到「靜息心率」每日嗰14分）。用法好簡單，只要每天步行或者跑一定步數，過左個每日目標之後，就開始會有減齡效果，咁手機APP就會開始儲分，配合埋運動手錶，每日最多就可以得到120分！除此之外，『大家減齡』不時推出活動，只要達成目標就可以得到額外分數，咁樣就好快可以換到心頭好。」
小編：「小編見你都好積極咁玩，係咩驅使你咁努力呢？」
Miriam ：「我呢啲師奶仔，見到咁著數緊係立即有動力啦，由裝咗個APP開始，我就開始咗我嘅步行生活！本身我有運動手錶，主要係用嚟收提醒，一直都想的起心肝去做運動減肥，但遲遲都未動身，由安裝『大家減齡』個一日開始，我就決心每日都抽時間去行路，因為要返工嘅關係，我要到放工先有機會步行，最初我提早一個站落車步行返屋企，之後再加碼，圍繞住屋企附近嘅商場、行人天橋去行路，行到身水身汗先返屋企，睇到個APP每日分數爆晒個一刻，真係好有滿足感。」
小編：「除咗可以儲分換Coupon ，對你生活有咩改變呢？」
Miriam ：「攞分換禮物都不特止，原來每日咁樣行，不知不覺間我減咗好幾磅肥肉！之前著上身會覺得條腰同大脾位好緊嘅牛仔褲，而家著起嚟竟然仲有大把空間淨，令一條無著兩年嘅褲終於著到，真係帶俾我驚喜！另外，因為每日都保住住一定運動量，我發覺自己每晚一到12點左右就會眼瞓，要返上床，而之前我係久唔久會失眠，有時到凌晨兩點幾都仲會眼光光，估唔到玩大家減齡除咗換嘢咁著數之外，仲可以令我不知不覺間做多咗運動，成個人都健康又精神咗好多！」
小編：「呢個APP有個功能係分享積分，你有冇叫屋企人同朋友一齊玩呢？」
Miriam ：「有呀！我囡囡都試玩咗60日，起初佢話俾分我，最終佢用嚟換咗運動用品Coupon，買咗對價值$499，實付 $99嘅運動鞋。不過佢依家無再每日玩，但每當有特別活動推出時，佢都會即時參加。因為特別活動進行期間，就算無升級做高級會員，只要達標，都一樣會賺到活動積分。所以一有特別活動推出，我會通知佢快快行呀！」
小編：「仲有冇其他心得畀其他用家呢？」
Miriam：「大家要注意一點，就係呢個APP唔會完全無條件咁送出獎賞啦，註冊做普通會員只可以試玩60日，喺呢60日內都可以賺取每日積分同特別活動嘅分數，60日之後雖然仲睇到每日減齡效果，但就轉化唔到做積分喇！但有特別活動推出時，都仲可以參加換積分，一樣可以儲分換禮物，基本上除左冇得再儲到每日嗰減齡積分之外，其他所有功能不變。如果有興趣想玩落去賺分就要升級做高級會員，方法就係唔理平定貴，只要買任何一份中銀人壽嘅保單，保單有效期內就可以日日做運動賺積分喇！以我呢啲算死草嘅師奶來講，就緊係覺得買得過啦！於是就買咗一份保單，keep住每日繼續玩大家減齡。」
想參考更多「減齡」達人嘅分享，即上「大家減齡 (有玩 / 無玩都可以入黎) ！」一齊繼續傾吓啦！小編嚟緊仲會訪問更多討論區入面嘅「減齡」達人，同大家分享更多減齡秘技！密切留意啦！
號外：「大家減齡」正式登陸親子王國討論區，官方代表解答用戶各類問題同公布最新消息！快啲上嚟參與討論喇！
