近年越來越多香港人移民海外，但受制於各種原因，很多時都未有與年紀老邁的父母同行。一名人妻在網上討論區發文，指自己與丈夫已移民外地，但收入只足夠一家人生活及供樓，因此沒有再匯款予在港父母，近日被親友問起此事，便詢問網民意見「咁（沒有繼續匯款）是否好有問題？」，隨即引起網民熱烈討論。
該名人妻在親子王國討論區以「移民後仲有無匯錢畀在港父母養佢哋？」為題發文，稱自己是家庭主婦，與丈夫已經移民外地，只有丈夫一人工作，收入只夠她一家人生活用，加上要供樓，故自從移民後都沒有再匯錢予在港父母，直至數天前其親友問起此事，她才開始思考「咁其實是否要畀錢養返在港父母？」
樓主表示，過去父母有寄物資給她，她亦有吩咐父母幫她再購置物品，「但我而家啲錢係我老公畀嘅，我唔敢拎啲畀我父母，好似好衰咁。」她有兩名妹妹留在香港，坦言自己曾向對方表示已無能力供養父母，囑咐她們要好好照顧父母。至於為何一定要移民，樓主解釋是為了孩子的將來，「我為咗小朋友第時可以係外邊自由啲，可以有多個保障，我趁而家呢個機會非走不可」。
帖文一出立即引起網民熱烈討論，有人批評樓主自私，「咁同棄養有咩分別？」、「我係妳個妹會覺得妳好自私，一句無能力就可以唔畀」、「一句讀書唔叻，拋個包袱畀阿妹，妳個人都好自私」、「好自私，自己唔做叫啲妹生性要養父母，唔畀錢又要父母寄嘢」、「咁其實唔關移民事，你移唔移民，多少都應該畀父母，呢樣唔使父母開聲。不過你地只諗移民，點解唔將父母零用納入開支？」
不過亦有人覺得移民開支負擔沉重，要視乎個人能力和父母的經濟情況，「移民後，收入少左咁多，點會有錢比父母，比到1000港紙已經好好」、[睇父母需要啦，如果佢地生活上需要你筆零用錢，咁做仔女都會定期俾，如果佢地係搞得掂，我就唔會咁樣定期俾」、「若父母本身係做開生意有大把多餘錢嘅，唔畀冇所謂，但如果父母只係普通工人又或者退咗休，冇積蓄而又需要仔女供養去生活就梗係必須畀啦！」
