有爸爸、老公愛錫的女兒和媽媽最幸福！有一間頭飾店的店主發文，分享一名爸爸在全家去飲宴的前一晚，竟主動替女兒和太太預約髮型設計服務，更預先支付金額讓她們任選頭飾，務求兩母女打扮得美美去赴會，期間爸爸不但帶著大兒子去看玩具，一邊等待兩母女扮靚，還駕車管接管送，簡直是一條龍服務！店主見狀羨慕不已，更以「來自外太空」形容這名爸爸貼心甜蜜的行為，笑言「幾時輪到我男朋友咁識做？」。
一名頭飾店的店主近日在網上社交平台threads發文表揚一位暖心爸爸的寵母女行為，分享一名爸爸在一家人去飲宴的前一晚，主動向店主查詢想替女兒和太太預約髮型設計服務，該店其中一個賣點就是「買頭飾包set頭」的髮型設計服務，當爸爸得知每個頭飾由$158-328不等時，二話不說就向店員選了最貴$328的選擇，母女一人一個，並預先支付金額，更細心地補充說假如最後超出了預算，再由他支付。
店主在接受訪問時透露，除了爸爸事前一晚主動替母女安排了一切之外，當天也貼心地先駕車送母女二人到店，安頓好二人後再帶著大兒子去看玩具，一邊等待兩母女扮靚。店主指媽媽貌似30-40歲，表現很和氣很友善，「個人睇落有光環咁，行為動靜好有少女feel」，而4-5歲的女兒則很乖巧又有禮貌，談話間提到老公帶了兒子逛玩具店時，稱媽媽笑得很甜地說「兩個大細路去咗拍拖」，從簡單的對話就看到一家人幸福滿瀉。
兩母女本來選了價值約$400港元的貨品，比起爸爸已支付的金額還要少，因此店主提醒她們還有足夠的預算可以再挑選心儀的頭飾，最後經過一輪挑選，超出了原先支付的$656港元，爸爸也很快在網上過數補錢，「我都未同佢老公講要補幾多佢就自動自覺再課金，真係絕種好男人」。該名爸爸更幽默地問店主「夠唔夠贖金？」，並答謝店主把老婆及女兒打扮得很漂亮。
店主見狀羨慕不已，稱讚這名暖心爸爸的貼心行為，更指世事少有這種男人，「大家有冇睇過科幻片？我有睇過，個老公似係外太空嚟咁，幫老婆同個女book埋set頭、畀定錢，再渣埋車喺樓下等佢哋」，最後更笑言「幾時輪到我男朋友咁識做？」
帖文引起熱議，大部分網民大讚這名廿四孝老公，「哇，咁識做仲要咁有禮貌，真係不得了，佢老婆女女好幸福」 、「仲要你報價俾佢，佢直接揀最貴既 x 2，唔止好男人仲係好客人黎」、「夠唔夠贖金呢個好笑，又錫老婆女女又不失幽默感～」。
另外有網民酸溜溜地指十分令人羨慕，「實有好男人，只喺遇唔到」、「別人的老公永遠不會讓人失望」、「So sweet！別人的總係完美」、「睇人地男人係最完美」。
資料授權︰sanaheyo_ ＠Threads
