近年興起防走失繩，成為不少家長心目中的育兒恩物，但同時亦引起不少爭議。有港媽在社文媒體發文，指自己早前帶4歲女兒遊泰時，為女兒戴上一條1.5米的手繩以防走失，結果引起網民爭論。
該名港媽在Facebook群組「淘寶開心share」發文，表示4歲女兒向來活潑好動，早前一家到泰國旅遊，考慮到人生地不熟，怕女兒「畀人搶走」，於是在淘寶網購了一條1.5米長的手繩以防女兒走失。根據港媽上載的相片所見，該手繩兩邊均設腕帶，上面設有魔術貼方便穿戴。整趟旅程中，港媽將手繩別綁在女兒及自己手腕上，確保女兒不會離開自己1.5米以上，「全個泰國旅程都唔怕佢突然走咗去，簡直係淘寶恩物。」
帖文引起熱烈討論，網民意見兩極。有網民認為港媽過份憂慮子女安全，「自己細個時點解唔會衝出街，但係啲子女就會所以要綁帶？」、「無家教真係要用呢樣（手繩）」；但亦有同為家長的網民覺得做法並無不妥，「條繩好緊要，我就見過拖唔住畀車撞到」、「笑樓主嘅人十成九係冇小朋友」。有網民更留言指早前往越南旅行，為免女兒跑得快走失亦有使用手繩以策安全，「畀啲同事笑我放狗咁，我寧願畀人笑好過唔見咗個囡。」
文章來源：「淘寶開心share」Facebook
