「看到佢一身預備,換做以前,我估我會好happy,現在...不了。」
「好耐以前佢有提過想我投入啲...但交到貨我覺得已經好俾面...宜家她會主動講幾時排卵日... 過程好似為第三者而做,完全唔係果種兩情相悦,好難唔機械式...」
「你想有小朋友嗎?」我聽完他分享,直接問。
他靜思了一會「我估身邊全部人都比我更想,我唔抗拒,但又未到好想。」
「你同太太點傾生唔生嫁?」我又提問。
「佢一直都好想要小朋友,呢幾年佢啲friend陸續生小朋友,身邊個個都成日追問,我知佢有壓力。之前拖左幾年,傾親都唔開心,今年佢35,都明女人有生育年齡限制,諗住可以開始試吓唔避,點知佢試咗一排都未得,佢就好擔心,仲越黎越緊張...行埋變得例行公事。有次我只係同佢講不如隨遇而安,佢已經背住我偷偷喺度喊...我仲可以講咩?」
因為愛,所以顧慮對方感受,想保護對方而把真實的自己隱藏。可是,這種「愛」卻令彼此有隔膜、疏離。越愛彼此的夫婦,越在乎對方感受的夫婦,越容易墮入這陷阱。是什麼令這種「愛」出錯,令彼此距離越來越遠?
而性愛的美妙,是兩個相愛的人盡情而投入地用身體表達愛和接收愛的過程。生命選擇在性愛的過程中誕生,當性轉變成純為生育而行,次序顛倒了,仍能享受嗎?
撰文:明愛賽馬會婚姻培育計劃 - 親密頻道 茉莉