現代社會講求男女平等，但不少長輩仍然存在重男輕女的思想，往往愛錫孫仔比孫女多，甚至以繼後香燈、傳宗接代為名，向新抱施加壓力。有港媽在網上發文，批評老爺在她誕下2個女兒後態度變差，甚至不願意分擔家務，要求剛生產的新抱包辦所有家務，令她感到氣憤，「唔明有咩得罪佢，就因為佢哋唔係仔？」。
港媽在親子王國討論區以「好憎老爺」為題發文表示，婚後與老爺奶奶同住，而老爺一向重男輕女，在她誕下第一胎女兒後已經「黑面」，後來女兒漸漸長大，老爺亦對女兒不錯。老爺是退休人士，平日負責買餸和接孫女放學，直至今年10月，港媽誕下第二胎女兒，老爺知道後不但「黑面」，更不發一言，並表明不會再幫忙。
港媽指出，不是要依賴老爺幫忙，但小女兒剛滿月，一個人照顧兩個幼兒已經分身不暇，實在難以抽身到街市買餸，加上她認為一家人都有責任，「點解講到買餸叫幫我？佢無份食飯？買返嚟我唔使煮？定係我可以唔使煮佢嗰份？」
港媽對老爺的行為感到不忿，更憶起大女兒出生時，老爺亦是同樣態度，「兩個女都係我喺醫院瞓足一個月，保足一個月胎先生到出嚟，兩個都係揾命搏返嚟，我唔明有咩得罪佢要咁對我哋，就因為佢哋唔係仔？」
帖文引起熱議，網民紛紛建議港媽一家人遷出，「搬出，請工人，你靠佢就要看佢面色」、「生完大女見到老人家面色咁就要醒水，唔獨立自主都唔好生第二個。我佩服你夠勇氣」、「相見好同住難，快啲搬啦」。
