打卡至上的年代？今天是開學日，有港媽送女兒上學時，驚覺有不少家長為了替紀念子女首天上學，不斷拍照打卡，不禁有感而發︰「其實真係有冇必要？」
港媽在《親子王國討論區》以「第一日返學嘅情景」為題，分享開學日的見聞。她今天送女兒上學時，見到基乎每位家長都為孩子在學校門外瘋狂打卡︰「有一個爸爸用腳架全程直播」、「聽到有兩公婆直頭因為影相喺度鬧交…媽媽要求完美，要好似影婚紗相咁，要咁影，要咁影，又要咁影…」
她理解第一日返學是值得紀念的，但形容很多人已「走火入魔」︰「 （我）要左避右避好多個鏡頭，其實真係有冇必要？」她認為這證明了香港父母對孩子十分緊張，慨嘆香港小朋友真幸福，最後亦問大家︰「今日送小朋友返學有冇影相？」
此貼文引起了網民熱議，大家亦紛紛分享自己的做法︰「完全冇，兩個中學自己返，小學那個搭校車，我連送都懶」、「升小一有，之後冇了。但今年升中一，所以有影。但唔係在學校門口，費事阻住人」、「都係普通手機影張相留念，無影到其他人。」
有人又指她都曾遇上樓主的類似經歷︰「我女之前小學部就係咁，拍片影相，完全塞晒校門…好誇張。啲家長仲要唔係快影，媽影完，又到爸，之後又全家影。」
另外亦有人覺得，如果拍照時無影響到其他人，其實都沒大問題︰「我見到其他家長影, 都會替佢哋開心！」
