近年政府提倡餵哺母乳，亦經常強調母乳對寶寶的好處，令不少新手媽媽都加入母乳媽媽的行列，政府同時亦鼓勵僱主提供地方讓員工泵奶，但在真正實行時，媽媽們卻未必可以得到同事或上司的體諒。有港女在Facebook群組「公務員secrets」發文，指自己部門員工不多，有一位女同事在產假後復工，卻每天泵奶數次，加上食飯時間，令工作時間所餘無幾，批評她加重他人的工作量，認為她不如考慮回家任職家庭主婦。
該名港女發帖指，因女同事要定時泵奶，導致她的工作量大增，即使有所不滿亦不能發聲，「老闆見你唔到，就叫我做埋，做就我做，功就你拎，有時講多兩句去得耐就話我歧視你！」
她更貼出衛生署的指引，指明當局建議僱主每天（以每日工作8小時計算）給予兩節各30分鐘，合共1小時的授乳時段予餵哺母乳的員工，但同事卻每天泵奶數小時，令她非常不滿，更揚言要盡快懷孕，「同你鬥泵奶」。
《BB來了》劇照
帖文引起熱議，網民的反應兩極，有人批評發文者不懂得體諒母乳媽媽的辛苦，更嘲諷她日後記得不要餵人奶，「最好切埋個乳腺。唔使谷奶谷到覺都瞓唔到」、「泵媽人奶媽有幾辛苦未做過根本唔會明白，除非佢係借故去蛇王，如果佢真係有呢個需要體諒少少啦，最多咪幾個月半年。」、「泵奶真係唔係個個30分鐘就得，大部分都45分鐘以上，仲要又痛又損，體諒下啲同事啦！」
亦有人認為，泵奶始終是個人的事，媽媽們都需要自律，「幾年前我都係人奶媽怕影響同事，唔想攸到乞人憎返工前泵一次先出門口lunch，快手食完飯汞奶半小時，得閒請吓食tea有些事情你好我好，大家開心濫用就會乞人憎。」、「有時又真係好老鳳，破壞規定原意。真係唔抵幫既。工作歸工作。2，3個月都可以包容，長期下去，工作要轉移，咁人工都要轉移？」
