當子女年紀越大，就越少和父母聊天，如果子女長大後仍然願意與父母坦白心事，相信爸媽都會覺得很欣慰。有家長日前在社交平台匿名發文，指就讀中二的兒子要求暑假期間增加零用錢金額，更坦白是因為想「追女仔」，家長聽後躊躇應否答應，逐問網民意見，網民對此表示大力支持，更認為家長可藉此機會為兒子建立正確的價值觀。
根據傳媒報導，有家長早前（1日）向Facebook專頁「家長Secrets」投稿，指自己就讀中二的兒子主動表示，打算邀請鄰班的心儀女同學去睇戲，故希望父母能增加暑假期間的零用錢金額。樓主沒有交代自己最終有否答應兒子的要求，僅向一眾同為父母的網民問道：「你會唔會支持個仔追女仔？」
帖文引起家長討論，不少人表示欣賞兒子的坦白，「支持，而家啲小朋友肯同家長講已經好好」、「如果佢咁大方同我講，我就讚賞佢分享後，特例支一次額外零用畀佢，然後同佢講之後嗰啲，佢自己諗辦法搞掂」、「支持佢，起碼佢都肯講下你知，有咩事都可提早俾溫馨提示」。
亦有網民認為，樓主應把握機會好好教育兒子，「與其煩惱支唔支持佢拍拖，倒不如你趁早灌輸正確嘅性觀念畀佢好過」、「正常社交係學習，佢肯講都要聽，要有界線和指引」、「佢肯同你講，真係要支持，但要借機會教育下」、「追還追，借機教佢性教育，同埋明確表明自己條底線係邊度。」
